កម្សាន្ត ៖ ដូចដែលប្រិយមិត្តបានជ្រាបហើយថា អ្នកនាង ហ្វីយ៉ាតា គឺជាអតីត Freshie Girl ដែលធ្លាប់ទទួលបានចំណាត់ថ្នាក់លេខ២ នៅក្នុងការប្រគួតប្រជែងនៅក្នុងកម្មវិធីនេះ ។ ហ្វីយ៉ាតា គឺជាតារាស្រីមួយរូបដែលមានទេពកោសល្យទៅលើវិស័យសិល្បៈ មិនថាច្រៀង មិនថារាំឡើយ កញ្ញាអាចធ្វើទាំងអស់មិនខុសពីតារាដែលមានបទពិសោធន៍មួយចំនួននោះឡើយ។

យ៉ាងណាមិនៅមុននេះបន្តិច ហ្វីយ៉ាតា បានសាងភាពភ្ញាក់ផ្អើលយ៉ាងខ្លាំងបន្ទាប់នាងបានបង្ហោះរូបថតរបស់ខ្លួនជាមួយនិងមិត្តភក្តិនៅកាលពី១០ ឆ្នាំមុនរួចថែមទាំងបានអមមកជាមួយនិងសំណេរមួយឃ្លាដែលមានខ្លឹមសារយ៉ាងដូច្នេះថា ៖ “ចា៎...អាន captions នៅក្រោមរូបនីមួយៗផង ស្គាល់ PeyPey អត់? រូបកាលពីយ៉ាងតិច ១០ ឆ្នាំមុន.. ” ។ 

ទន្ទឹមនិងនេះដែរបន្ទាប់ពីបានឃើញចុចចូលមើលរូបភាពរបស់ ហ្វីយ៉ាតា រួចឃើញថាអ្នកគាំទ្ររបស់តារាស្រីរូបនេះរួមទាំងមហាជនដែលនិយមប្រើប្រាស់បណ្តាញសង្គមហ្វេសប៊ុកជាច្រើនបានសម្តែងការផ្ទុះសំណើចគ្រប់គ្នា ព្រោះកាលពី១០ ឆ្នាំមុនសម្រស់របស់ ហ្វីយ៉ាតា មិនមែនដូចសម្រស់នាពេលបច្ចុប្បន្ននេះទេ ៕