ភ្នំពេញ៖ ចូលរួមសោកស្តាយផង កីឡាករ នៃក្រុមជម្រើសជាតិកម្ពុជាចំនួន៦រូប បានតេស្តរកឃើញវិជ្ជមានជំងឺកូវីដ-១៩។ការរកឃើញនេះ ធ្វើឡើងក្រោយពីកីឡាករចូលរួមក្នុងការប្រកួតលើកទី ២ នៅថ្ងៃទី ១២ ខែតុលា កម្ពុជាបានឈានទៅប្រកួតជុំទី ៣ នៃការប្រកួតជម្រុះពានរង្វាន់ AFC Asian Cup China ឆ្នាំ២០២៣។ នេះបើយោងតាមគ្រូជំនួយក្រុមជម្រើសជាតិ​កម្ពុជា លោក ភា សុភ័ក្ត្រា និងលោក ឈូក ពិសិដ្ឋ។

យ៉ាងណាមិញ កីឡាករនៃក្រុមជម្រើសជាតិកម្ពុជាចំនួន៦រូប មានជាអាទិ៍ គួច សុកុម្ភៈ, សឿយ វិសាល,សារ៉េត គ្រីយ៉ា,កែវ សុខសិលា,ចាន់ វឌ្ឍនាកា, អា៊ន ពិសី,។កីឡាករទាំងអស់មានស្ថានភាពស្រាលទេ ដោយបន្តព្យាបាលនៅសណ្ឋាគារ ខណៈសមាជិកក្រុមផ្សេងទៀត​ត្រូវបន្តដំណើរត្រឡប់មក​កម្ពុជាវិញ រីឯសមាជិក U23 ត្រូវធ្វើដំណើរទៅប្រទេសជប៉ុន​។បើតាមលោក សុភ័ក្រ្តា និង​លោក ពិសិទ្ធ។

បើយោងតាមផេករបស់ សហព័ន្ធកីឡាបាល់ទាត់កម្ពុជា បានឲ្យដឹងថា ការលះបង់របស់ក្រុមជម្រើសជាតិគឺដើម្បីកម្ពុជា!សូមជូនពរកីឡាករយើងឲ្យឆាប់ជាសះស្បើយពីជំងឺឆ្លងកូវីដ-១៩។ កីឡាករជម្រើសជាតិកម្ពុជាយើងទាំង៦នាក់ នឹងត្រូវបន្តស្នាក់នៅប្រទេសបារ៉ែន ដើម្បីព្យាបាលជំងឺកូវីដ-១៩ ឲ្យជាសះស្បើយ មុនធ្វើមាតុភូមិនិវត្តន៍ ទាំងអស់គ្នាដេីម្បីកម្ពុជា។

សម្រាប់ដំណើរឆ្ពោះទៅវគ្គបន្ដ ក្រុមជម្រើសជាតិកម្ពុជាបានស្ថិតចូលក្នុងប្រអប់ទី៤ (POT-4) ជាមួយនេប៉ាល់, ម៉ុងហ្គោលី, បង់ក្លាដេស ស្រីលង្ការ និងក្រុមឡើងមកពីវគ្គ Play-Off ដូចគ្នា គឺឥណ្ឌូនេស៊ី ដើម្បីចាប់ឆ្នោតជាមួយ POT ចំនួន ៣ផ្សេងទៀត ដែលក្នុង POT នីមួយៗមាន ៦ក្រុមដូចគ្នា ហើយបែងចែកជា ៦ពូល ក្នុងមួយពូលមាន ៤ក្រុម ដើម្បីបន្ដការប្រកួតជម្រុះរកក្រុមខ្លាំងឡើងទៅជុំផ្ដាច់ព្រ័ត្រនៅប្រទេសចិន នាឆ្នាំ២០២៣៕

សូមទស្សនាវីដេអូខាងក្រោម៖