មហាសេដ្ឋីរុស្ស៊ី លោក Abramovich ម្ចាស់ក្លឹប Chelsea ប្រកាសលក់ក្លិបយកលុយជួយជនរងគ្រោះក្នុងសង្គ្រាមអ៊ុយក្រែន

ថ្មីៗនេះ នៅក្នុងការប្រកាសរបស់ក្លឹបតោខៀវ Chelsea មហាសេដ្ឋីរុស្ស៊ី Roman Abramovich ដែលជាម្ចាស់ក្លឹបបានធ្វើការប្រកាសដាក់លក់ក្លឹប Chelsea កាលពីម្សិលមិញ។ លោក Abramovich បានិយាយថាការលក់ក្លឹបនឹងមិនដំណើរការលឿនទេ ប៉ុន្តែនឹងអនុវត្តតាមនីតិវិធីត្រឹមត្រូវ។ នៅក្នុងនោះដែរលោកក៏បានធ្វើការណែនាំក្រុមរបស់លោក ឱ្យបង្កើតនូវមូលនិធីសប្បុរសធម៌ និងការលក់សំបុត្រនានាសុទ្ធតែត្រូវបានធ្វើការបរិច្ចាគ សម្រាប់ជួយពិភពលោក។

ហើយការលក់ក្លឹបមួយនេះវាក៏អាចនឹងជាប្រយោជន៍ដល់ជនរងគ្រោះទាំងអស់ក្នុងសង្គ្រាមនៅអ៊ុយក្រែន។ នេះរួមបញ្ចូលទាំងការផ្តល់មូលនិធិសំខាន់ៗឆ្ពោះទៅរកតម្រូវការបន្ទាន់ និងបន្ទាន់របស់ជនរងគ្រោះ ក៏ដូចជាការគាំទ្រការងាររយៈពេលវែងនៃការស្តារឡើងវិញនៃប្រទេសដែលកំពុងរងគ្រោះដោយសារតែភ្លើងសង្គ្រាមមួយនេះ។

វាជាការសម្រេចិត្ដដ៏តឹងរ៉ឹងនិងពិបាកបំផុតមិនធ្លាប់មាន ដែលខ្ញុំត្រូវដើរចេញពីក្លឹបមួយនេះ ហើយខ្ញុំសង្ឃឹមថាការលក់ក្លឹបមួយនេះនឹងជាប្រយោជន៍ដ៏ល្អបំផុតរបស់ក្លឹបផងដែរ ម្យ៉ាងទៀតលោកក៏មិនទៅខ្ចីបុលយកមកធ្វើការដោះបំណុលរបស់ក្លឹបតទៀតនោះឡើយ របស់ក្លឹប Chelsea FC ប្រមាណ ១.៥ពាន់លានផោន ឬប្រមាណ ២,០១០.៨២៥.០០០ លានដុល្លា ។

នេះបើយោងតាមAmerican bank Raine Groupបាននិយាយថាមហាសេដ្ឋីរូបនេះនឹងដាក់លក់ក្លឹបមួយនេះក្នុងតម្លៃ ៣ពាន់លានផោន ឬប្រមាណ ៤ពាន់លានដុល្លា។

មហាសេដ្ឋី Roman Abramovich បន្ដថាខ្ញុំសង្ឃឹមថាខ្ញុំនឹងអាចទៅលេង Stamford Bridge ជាលើកចុងក្រោយដើម្បីនិយាយលាអ្នកទាំងអស់គ្នាដោយផ្ទាល់។ វាជាឯកសិទ្ធិពេញមួយជីវិតក្នុងការក្លាយជាផ្នែកមួយរបស់ Chelsea FC ហើយខ្ញុំមានមោទនភាពចំពោះសមិទ្ធផលរួមរបស់យើងទាំងអស់។ ក្លឹបបាល់ទាត់ Chelsea និងអ្នកគាំទ្រនឹងស្ថិតនៅក្នុងបេះដូងរបស់ខ្ញុំជានិច្ច។