ការ ស្លា ប់ របស់សិស្សស្រី ឥណ្ឌាម្នាក់ ឈ្មោះ Anushree នៅក្នុងការប្រឡងសញ្ញាបត្រមធ្យមសិក្សាទុតិយភូមិ (SSLC, Class 10) ដោយសារ គាំ ង បេះ ដូ ង បានបង្កឱ្យមានការជជែកដេញដោលជាខ្លាំង ជុំវិញវិធីសាស្រ្ត 'អមនុស្សធម៌' និង 'ធ្វេសប្រហែស' របស់អ្នកស៊ើបអង្កេត និងអាជ្ញាធរនៃនាយកដ្ឋានអប់រំ ហេតុការណ៍នេះបានកើតឡើងនៅទីប្រជុំជន T. Narasipur ក្នុងសង្កាត់ Mysuru ប្រទេសឥណ្ឌា កាលពីថ្ងៃចន្ទ នៅពេលដែល Anushree កំពុងសរសេរការប្រឡងនៅមជ្ឈមណ្ឌលមួយក្នុងមហាវិទ្យាល័យ Vidyodaya ។

ឪពុកម្តាយរបស់សិស្សានុសិស្ស ក៏ដូចជាសាធារណជន កំពុងតែថ្កោលទោសចំពោះអាកប្បកិរិយា "ធ្វេសប្រហែស" និង "អមនុស្សធម៌" របស់អ្នកទទួលបន្ទុក ដែលបានយកសន្លឹកចម្លើយរបស់សិស្សស្រីរូបនោះ ដោយពួកគេបានឱ្យសិស្សស្រីរូបនោះ ទៅមណ្ឌលប្រលងមួយទៀត  ដើម្បីសរសេរចម្លើយរបស់នាងម្ដងទៀត។

អង្គការជាច្រើនកំពុងថ្កោលទោសអាជ្ញាធរដែលបណ្តាលឱ្យមានភាពតានតឹងដល់សិស្សក្នុងកំលុងពេលប្រលង  បណ្តាលឱ្យគាំងបេះដូង។ Anushree សិស្សវិទ្យាល័យ Madapura បានដួលខណៈពេលដែលប្រញាប់ប្រញាល់ទៅកាន់មណ្ឌលប្រឡងមួយផ្សេងទៀតកាលពីថ្ងៃចន្ទ។ នៅពេលដែលនាងទៅដល់មណ្ឌលប្រឡង ដោយអ្នកត្រួតពិនិត្យមិនបានពិនិត្យនាងនោះឡើយ ដោយបន្ទប់ដែលនាងប្រលងនោះខុស នៅពេលដែលនាងធ្វើការប្រឡងបានពាក់កណ្តាលផ្លូវ អ្នកសង្កេតការណ៍ដឹងថានាងមកមណ្ឌលខុស ហើយយកសន្លឹកចម្លើយរបស់នាងចេញ និងបានឱ្យនាងត្រលប់ទៅមណ្ឌលប្រលងដែលគេបានកំណត់វិញ ។

សិស្សស្រី រូបនោះត្រូវបានស្នើសុំឱ្យប្រញាប់ប្រញាល់ទៅកាន់មជ្ឈមណ្ឌលមួយផ្សេងទៀតដែលមានចម្ងាយ 100 ម៉ែត្រ។ ភាពតានតឹងបានកើតឡើង ក្រោយពេលដែលនាងបានដួល ខណៈពេលដែលប្រញាប់ប្រញាល់ទៅកាន់មណ្ឌលប្រឡងផ្សេងទៀត។ ឪពុកម្តាយរបស់ Anushree ឥឡូវនេះមានការខឹងសម្បារចំពោះការដោះស្រាយករណីនេះនិងវិធីសាស្រ្ត "អមនុស្សធម៌" របស់អ្នកស៊ើបអង្កេត ដោយស្នើសុំឱ្យធ្វើការស៊ើបអង្កេតលើឧបទ្ទវហេតុនេះ។