តារាចម្រៀងរាងតូចច្រឡឹង សុខ ស្រីនាង គឺជាតារាចម្រៀងដ៏ល្បីឈ្មោះម្នាក់នៅក្នុងផលិតកម្មរស្មីហង្សមាស គ្រប់បទចម្រៀងដែល ស្រីនាង បានធ្វើការបកស្រាយពិតជាពិរោះ រណ្តំ និងទាក់ទាញចិត្តទស្សនិកជនយ៉ាងខ្លាំង ដោយសារតែទឹកដមសំលេង ដ៏មានមន្តស្នេហ៍ របស់តារាគ្រប់រូបនេះ។
ដោយឡែក កាន់តែកៀកថ្ងៃចូលឆ្នាំខ្មែរហើយ ហើយតារាចម្រៀងគ្រប់រូបក៏ត្រូវបំពេញការងាររបស់ខ្លួនដែលក្នុងពេល ព្រោះត្រូវកំដរអារម្មណ៍របស់ទស្សនិកជន ឲ្យមានភាពសប្បាយ នៅក្នុងឱកាសចូលឆ្នាំប្រពៃណីខ្មែរយើង។ ជាក់ស្តែងដូចតារាចម្រៀងស្រី សុខ ស្រីនាង ក៏បានបង្ហោះសារ អមជាមួយរូបភាពប៉ុន្មានសន្លឹក ដោយបានជូនអ្នកមានគុណ ទៅវត្តមុនពេលថ្ងៃចូលឆ្នាំខ្មែរ ។
តារាចម្រៀងស្រីរូបនេះ បានបង្ហោះសារលើបណ្តាញសង្គមរបស់ខ្លួនថា "ឆ្លៀតពេលជូនម៉ាក់មកវត្តអោយហើយមុនចូលឆ្នាំមកដល់ព្រោះត្រូវជាប់បំពេញការងារ សូមជូនបុណ្យផងចា៎បងប្អូន សុខសប្បាយ ជួបតែសំណាងល្អគ្រប់ៗគ្នាផងចា៎"។
បន្ទាប់ពីបានឃើញការផុសរបស់សុខ ស្រីនាង ហើយ ក៏មានបងប្អូនជាច្រើនបានចូលមកខមិនលើរូបភាព អមជាមួយសារថា "ស្អាតណាស់បងគួរអោយស្រលាញ់, ស្អាតណាស់បងហើយសុភាពទន់ភ្លន់ទៀតសមណាស់បង, ស្រស់ស្អាតណាស់បងស្រីឡើងសុភាព, ម៉ាក់បងស្រីនាងស្អាតចឹងបានកូនស្អាតកាត់រក៕
