ក្រោយពី Mo Amena ដឹងថា មិត្ដជិតស្និទ្ធរបស់ខ្លួនបានបាត់បង់ជីវិត នាងមានការសោកស្ដាយជាខ្លាំង និងបានធ្វើការចេញមុខទាមទាររកយុត្ដិធម៌ យ៉ាងខ្នះខ្នែងជូន តាំងម៉ូ មិនតែប៉ុណ្ណោះ នៅក្នុងថ្ងៃបុណ្យសពនាងគឺជាបុគ្គលម្នាក់ដែល ធ្វើការជួយជ្រោមជ្រែងយ៉ាងពេញទំហឹងក្នុងពិធីកាន់ទុក្ខនាពេលកន្លងមករបស់តាំងម៉ូ ។
ជាងនេះដែរនៅក្នុងកម្មវិធីទូរទស្សន៍មួយ Mo Amena បានប្រាប់ពីភាពស្និទ្ធស្នាលរបស់នាងជាមួយ តាំងម៉ូ ដែលបានកើតឡើងនិងពីរបៀបដែលនាងស្គាល់គ្នា នឹងបានចាត់ទុកគ្នាជាបងប្អូនទៅវិញទៅមក មិនតែប៉ុណ្ណោះ ពួកនាងមានបំណងធំរួមគ្នាមួយថែមទៀតផង ប៉ុន្ដែជាអកុសល តាំងម៉ូ បានឃ្លាតចាកឆ្ងាយពីនាងមុនបាត់ទៅហើយ។
ពាក់ព័ន្ធនឹងរឿងនេះ Mo Amena បាននិយាយថា នាងបានជួបតាំងម៉ូ ដំបូងនៅក្នុងរឿងមួយ ដោយតាំងម៉ូ នាងមានភាពរួសរាយរាក់ទាក់ខ្លាំងណាស់ នៅពេលនោះដែរ តាំងម៉ូ បានធ្វើការបបួលនាង ទៅធ្វើការតុបតែងសក់ ដើម្បីត្រៀមថតឈុតបន្ទាប់ ដោយនៅក្នុងនោះ តាំងម៉ូ បានធ្វើម៉ូតសក់ឱ្យនាងយ៉ាងស្រស់ស្អាត ម្យ៉ាងវិញទៅ Mo Amena បាននិយាយថា តាំងម៉ូ នាងមានភាពវៃឆ្លាតខ្លាំងណាស់ នៅក្នុងការចងចាំស្គ្រីបនៃខ្សែសាច់រឿង ដោយមិនចាំបាច់ធ្វើការអានច្រើនដងនោះឡើយ។
អ្វីដែលគួរឱ្យចាប់អារម្មណ៍មួយទៀតនៅពេលដែល Mo Amena មានរឿងមិនសូវសប្បាយចិត្ដ រហូតដល់ថ្នាក់នាងយំ នៅពេលនោះ តាំងម៉ូ បានធ្វើការមកជួយលួងលោមរូបនាង ដោយតាំងម៉ូ បាននិយាយថា "Amena នាងអាចឱបខ្ញុំបាន ឱបហើយនាងយំឱ្យអស់ចិត្ដមក ខ្ញុំនៅទីនេះចាំកំដរអ្នក " ចំណែកឯ Mo Amena នាងបាននិយាយនៅក្នុងកម្មវិធីនោះថា នៅពេលនោះខ្ញុំមានអារម្មណ៍ថាដូចមានបងស្រី ឬក៏ម្ដាយ ម្នាក់ទៀតដែលចាំនៅមើលថែខ្លួននាងដូច្នោះដែរ ពេលដែលនាងពិបាកចិត្ដ។
មិនតែប៉ុណ្ណោះ នាងបាននិយាយថា នាងនិងតាំងម៉ូ មានគម្រោងបើកក្រុមហ៊ុន Entertainment មួយរួមគ្នាក្នុងការរៀបចំកម្មវិធីផ្សេងៗ ។ ជាងនេះផងដែរនាងចង់ធ្វើការបង្ហាត់ការសម្ដែង ដល់ក្មេងៗ ដោយតាំងម៉ូ នាងមានបំណងចង់ធ្វើជាគ្រូបង្វឹកផងដែរ។
សូមទស្សនាវីដេអូខាងក្រោម៖
