ប្រិយមិត្តជាច្រើនប្រាកដជាបានស្គាល់ ព្រះនាងតូច នរោត្តម ជេនណា រួចមកហើយ ដោយព្រះនាងតូច បានបង្ហាញព្រះទេពកោសល្យ ជាច្រើន ដូចជា ក្បាច់រាំ និងចម្រៀង ពិសេសទៅទៀតនោះ គឺ ព្រះនាង មានព្រះសមត្ថភាពអាចប្រើប្រាស់បានច្រើនភាសា ដែលព្រះសមត្ថភាពទាំងអស់នេះហើយ ទើបធ្វើឲ្យបងប្អូនប្រជានុរាស្រ្តរបស់ទ្រង់គោរពស្រឡាញ់យ៉ាងច្រើនកុះករ ពិសេសគឺទៅលើទឹកព្រះទ័យដ៏វិសេសវិសាលរបស់ព្រះនាងតូច ដែលមានចំពោះបងប្អូនផ្ទាល់តែម្តង។




ព្រះរាជធីតា មានស្នាមព្រះហស្ថគួរឲ្យកត់សម្គាល់លើវិស័យសិល្បៈ វប្បធម៏ និងសង្គម ។ ជាក់ស្តែងកាលពីពេលកន្លងទៅព្រះអង្គម្ចាស់ក្សត្រីយ៍ នរោត្តម ជេនណា ឬ គ្រប់គ្នាបានស្គាល់ថា ព្រះនាងតូចជេនណា បានសម្រេចសមិទ្ធផលភាពយន្តចំនួនដល់ទៅ២ដែលមានចំណងជើងថា រឿង "ទេពធីតាព្កុលមាស" និង រឿង "នគរមាស"ដែលបានចាក់បញ្ចាំងនៅប៉ុស្តិ៍ទូរទស្សន៍CTN។




ជាក់ស្តែងនៅមុននេះបន្តិចនៅលើបណ្តាញសង្គមហ្វេសប៊ុករបស់ព្រះនាងតូចនរោត្តម ជេនណា បានបង្ហោះរូបភាពប៉ុន្មានសន្លឹក ធ្វើឲ្យហ្វេនៗមានការចាប់អារម្មណ៍យ៉ាងខ្លាំង ព្រោះមើលទៅបីដូចជាទេពធីតា ចុះមកពីឋានលើ ស្រស់ស្អាតគ្មានអ្វីផ្ទឹមឡើយ។ នៅក្នុងរូបភាពនីមួយៗ បានបង្ហាញពីស្នាមញញឹម សែនស្រស់ ទន់ភ្លន់ គន់មើលយ៉ាងណាក៏មិនចេះឆ្អែត។





ដោយឡែកនៅក្នុងគណនីហ្វេសប៊ុករបស់ព្រះនាងតូចនរោត្តម ជេនណា បានបង្ហោះសារថា "សួស្តីឆ្នាំថ្មីប្រពៃណីជាតិខ្មែរ ឆ្នាំខល ព.ស ២៥៦៦ ជូនពរឆ្នាំថ្មី ឆ្នាំខាល ទោស័ក
ខ្ញុំម្ចាស់ នាងខ្ញុំ សូមបួងសួងដល់បារមីទេវតាឆ្នាំថ្មីព្រះនាង កិរិណីទេវី ដែលមកគ្រប់គ្រងឆ្នាំថ្មី ឆ្នាំខលនេះ សូមព្រះរាជទានព្រះពរជ័យសព្វសាធុការ និងតាមថែរក្សា ការពារ ពុកម៉ែបងប្អូនប្រជាជាតិ នៃព្រះរាជាណាចក្រកម្ពុជានិងឯនាយសមុទ្រឲ្យជួបប្រទះតែនឹងសេចក្តីសុខ ចម្រេីន រុងរឿង ជោគជ័យគ្រប់កិច្ចការងារ សម្បូណ៌សម្បត្តិប្រាក់កាស ធនធាន មុខរបរ អាជីវកម្មរីក លូតលាស់ជានិរន្តរ៍។ដោយសេចក្តីគោរពស្រឡាញ់ពីខ្ញុំម្ចាស់ នាងខ្ញុំ ចេនណា"៕















