នេះជាពេលវេលាមួយដែលមហាជនទូទៅជាច្រើនកំពុងតែធ្វើការទន្ទឹងរង់ចាំមើលបានមកដល់ហើយ ក្រោយពី តារាសម្ដែងស្រីស្អាតដ៏ល្បី Pancake Khemanit បានធ្វើការដឹកដៃមិត្ដប្រុសរបស់នាងដែលជាកូនកំលោះមានឈ្មោះថា លោកអធិការ Saksunthorn Premanon ចូលរោងការយ៉ាងមានភាពផ្អែមល្ហែមនិងកក់ក្ដៅបំផុត ជាផ្លូវការ។
ថ្មីៗនេះ ថ្ងៃនេះ (១០ មិថុនា) អ្នកនាង Pancake Khemanit និង អធិការ Saksunthorn Premanon បានប្រារព្ធពិធីមង្គលការដ៏មានភាពកក់ក្តៅមួយជាមួយនឹងគូរស្នេហ៍របស់នាង។ បន្ទាប់ពីគូរស្នេហ៍មួយគូរនេះ បានធ្វើការទាក់ទងគ្នាអស់រយះពេលជាយូរមកហើយ ។ ដោយនៅវេលាព្រឹកថ្ងៃទី ១០នេះ កូនកំលោះកូនក្រមុំ ពោរពេញទៅដោយស្នាមញញឹម ប្រកបដោយទឹកមុខរីករាយ ជាមួយនឹងសម្រស់យ៉ាងស្រស់សោភា ក្នុងឈុតដែលរៀបចំឡើងយ៉ាងប្រណិតថែមទៀតផង។
ហើយអ្វីដែលពិសេសជាងនេះទៅទៀតនោះគឺមានពេលវេលាដ៏គួរឲ្យចាប់អារម្មណ៍របស់កូនកំលោះលុតជង្គង់ពាក់ចិញ្ចៀនមង្គលការជូនកូនក្រមុំយ៉ាងអធិកអធម។ ក្រោយពីឃើញព្រឹត្ដិការណ៍ដ៏អស្ចារ្យនៃអាពាហ៍ពិពាហ៍របស់គូរស្នេហ៍មួយនេះ មិត្ដភិក្ដនៅក្នុងវិស័យសិល្បៈនិងមហាជនជាច្រើនបានចូលមកធ្វើការអបអរសារទរជូនពរជ័យ សម្រាប់គូរស្នេហ៍ថ្មីមួយគូរនេះ ឱ្យតែមានភាពផ្អែមល្ហែម និងស្រលាញ់គ្នា ជារៀងរហូតផងដែរ។
