ជឿជាក់ថា មហាជនជាច្រើនបានស្គាល់មកហើយ ពីតារាចម្រៀងស្រីកូនមួយដ៏ស្រស់ស្អាត អ្នកនាងពិត ពេជ្រ សូលីកា មិនត្រឹមតែមានសមត្ថភាពនៅក្នុងវិស័យសិល្បៈចម្រៀងនិងធ្វើការសម្ដែងនោះទេ តារាស្រីរូបនេះ ថែមទាំងមានរូបសម្រស់ស្រស់ស្អាត មិនចេះចាស់នោះឡើយ បើទោះបីជាពេលបច្ចុប្បន្នអ្នកនាងមានអាយុ ច្រើនក៏ដោយ ប៉ុន្ដែប្រជាប្រិយភាពនៅតែមានការកើនឡើងជាខ្លាំង។ 

យ៉ាងណាមិញ នៅក្នុងកម្មវិធីដ៏អធិកអធមនៃការសម្ពោធផលិតផលមួយ ក៏បានលេចវត្តមានរបស់តារាចម្រៀងស្រី ពេជ្រ សូលីកា ដែលជា BA របស់ក្រុមហ៊ុ​ K G21 របស់អ្នកជំនួស្រី អែនជី ដែលជាអតីតតារាសម្ដែង ។ អ្វីដែលគួរឲ្យចាប់អារម្មណ៍នោះ គឺ អ្នកជំនួញរូបស្រស់ សំដីផ្អែម អេនជី បានធ្វើការបកស្រាយចម្រៀងជាមួយ ពេជ្រ សូលីកា ស្តាប់ហើយសំលេងពិរោះរណ្តំដដែល មិនតែប៉ុណ្ណោះ គេសង្កេតឃើញ តារាស្រីរូបនេះ មានភាពស្រស់ស្អាតជាខ្លាំងនៅក្នុងឈុតរ៉ូបពណ៌ខៀវ។

នៅក្នុងនោះដែរ តារាស្រី ពេជ្រ សូលីកា ថែមទាំងបានធ្វើការពោលពាក្យថា  Cinderella គេ ម៉ោង12យប់មិនទាន់ រត់ទៅផ្ទះបាត់ ប្លែកអីតែ Cinderella ខ្ញុំ ម៉ោង12យប់ កំពុងជិះរកបាយស្រូបតាមផ្លូវ ដែលធ្វើឱ្យមានការចាប់អារម្មណ៍យ៉ាងខ្លាំងពីមហាជនអ្នកលេងបណ្ដាញសង្គមហ្វេសប៊ុក និងហ្វេនៗរបស់នាង។