ដូចដែលប្រិយមិត្តបានដឹងហើយថា ឱក សុគន្ធកញ្ញា គឺជាកំពូលតារាចម្រៀងស្រីមួយរូបដែលមានភាពល្បីល្បាញខ្លាំង នៅក្នុងរង្វង់សិល្បៈ នាងមានសមត្ថភាព អាចច្រៀងបទចម្រៀងបានគ្រប់ទម្រង់ មិនថា សម័យឬ ក៏បុរាណនោះទេ មិនត្រឹមតែមានសម្លេងពិរោះ តែម្យ៉ាងទេ តារាស្រីរូបនេះ ក៏មានរូបសម្ផស្ស ស្រស់ស្អាតខ្លាំងថែមទៀតផង ។
យ៉ាងណាមិញទោះបីខ្លួនជាកំពូលតារាចម្រៀងស្រីមួយរូប ប្រចាំប្រទេសកម្ពុជាពិតមែន តែតារាចម្រៀងស្រីរូបនេះ ក៏មានអាយដលនៅក្នុងដួងចិត្តរបស់នាងដែរ នេះយើងនិយាយពីតារាច្រៀងនៅក្នុងសម័យបច្ចុប្បន្ន ។ ហើយអាយដលរបស់ តារាចម្រៀង ឱក សុគន្ធកញ្ញា គឺជាលោក វណ្ណដា ។
ជាការពិតណាស់ នៅកាលពីយប់ថ្ងៃទី ៨ មីនា កន្លងទៅនេះ តារាចម្រៀង ឱក សុគន្ធកញ្ញា មិនខ្លាចនិងនិយាយប្រាប់មហាជននោះទេ ថានាងគឺជាអ្នកគាំទ្រ របស់តារារ៉ាប់ជួរមុខ នៅក្នុងប្រទេសកម្ពុជា គឺលោក ម៉ាន់ វណ្ណដា ។
ការលើកឡើងរបស់ តារាចម្រៀង ឱក សុគន្ធកញ្ញា នៅពេលឡើងច្រៀងនៅក្នុងកម្មវីធីប្រគំតន្ត្រីដើម្បីអបអរសារទរ «ខួប៣ឆ្នាំ លេខពិសេសផ្ទាល់ខ្លួន» របស់ក្រសួងសាធារណការ និងដឹកជញ្ជូន ។
សូមបញ្ជាក់ផងដែរថា នេះមិនមែនជាលើកទី១ នោះទេ ដែរតារាចម្រៀង ឱក សុគន្ធកញ្ញា បង្ហាញពីការស្រឡាញ់គាំទ្រ វណ្ណដា គេនៅចាំបានថានៅក្នុងពិធីបិទកីឡាជាតិ លើក ទី៣ និង កីឡា ជន ពិការលើក ទី១ កន្លងទៅនេះ កំពូលតារាស្រីរូបនេះ ក៏បានធ្វើឲ្យអ្នកគាំទ្រ មានការភ្ញាក់ផ្អើលម្តងរួចមកហើយ តាមរយៈសកម្មភាពស្និតស្នាល របស់នាង ទៅកាន់ វណ្ណដា ផងដែរ ។
តាមរយៈការលេចមុខនៅវេទិការរួមគ្នារវាងឱក សុគន្ធកញ្ញា និងអ្នកចម្រៀងHip Hop លោកម៉ាន់ វណ្ណដា ក្នុងកម្មវិធីបិទកីឡាជាតិលើកទី៣កាលពីពេលថ្មីៗនោះគេ ឃើញ សុគន្ធ កញ្ញា បានបង្ហាញ ភាព ស្និតស្នាលជាមួយ សិស្សប្អូនវណ្ណដា ក្នុងនាមនាងជារៀមច្បងម្នាក់ ហើយបើ ទោះជាអ្នក ទាំង ពីរ នៅផលិតកម្មផ្សេងគ្នាក្ដី ប៉ុន្ដែរូប ភាព នោះគេចាប់អារម្មណ៍កញ្ញា បានលើកទឹកចិត្តអ្នក ចម្រៀង រ៉េបរូប នោះដូចជានាងបានទៅបន្ទប់តែងខ្លួន របស់ វណ្ណ ដា ហើយ អោបគ្នាដោយ ក្ដីស្រ លាញ់ព្រោះជាអ្នកសិល្បៈដូចគ្នា។
អ្វីដែលគូរឲ្យកត់សម្គាល់នោះ សុគន្ធ កញ្ញា ថែម ទាំងបាន ឈ មើលវណ្ណដា ច្រៀងសម្ដែងបទ”Time To Rise “ទៀតផង ហើយបាន ធ្វើឲ្យFan របស់នាងកាន់តែសរ សើរ នូវ សកម្ម ភាពរបស់នាង។
