យោងតាមការបង្ហោះរបស់លោក អុឹម ជីវ៉ា បានរៀបរាប់ដូច្នេះថា ៖ លោកជំទាវម៉ែចិត្តធម៌ ហ៊ុន សុីណាត លោកជំទាវឧកញ៉ា នឹម វណ្ណៈ ចេញមុខប្រកាសចិញ្ចឹម លោកតាវិរៈសិល្បករចាបុីដងវែង គង់ ណៃ រៀងរាល់ខែ ចំនួន 5ឆ្នាំ !
លោកតាវិរៈសិល្បករ គង់ ណៃ ដែលជាសិល្បករជើងចាស់ បានទទួលអំណោយពីលោក ជំទាវម៉ែ ហ៊ុន សុីណាត និង លោកជំទាវឧកញ៉ា នឹម វណ្ណៈ អគ្គនាយិការក្រុមហ៊ុន ACEGroup និងក្រុមគ្រួសារ បានចេញមុខជួយចិញ្ចឹមលោកតាគង់ ណៃ ។
លោកជំទាវឧកញ៉ា នឹម វណ្ណៈ បានមានប្រសាសន៍ថា ដោយមើលឃើញពីវិរៈភាពតស៊ូស្រលាញ់បំរើវិស័សិល្បៈជិតរយៈពេលជិត៨២ឆ្នាំ ដោយអភិរក្សថែរក្សាវប្បធម៌ខ្មែរ របស់លោកតា គង់ ណៃ ធ្វើអោយលោកជំទាវមានចិត្តអាណិតគោរពស្រលាញ់លោកតា គង់ ណៃ ដែលខិតខំដើម្បីវប្បធម៌ខ្មែរ ជាមរតកមនុស្សរស់ មិនអោយបាត់បង់ ទើបលោកជំទាវ អញ្ជើញលោកតាមកក្រុមហ៊ុន ACE group ដើម្បីចូលរួមចំនែកឧបត្ថម្ភជួយសម្រួលដល់ជីវភាពលោកតាគង់ ណៃ ។
លោកជំទាវ នឹម វណ្ណៈ បន្តទៀតថា ការជួយរបស់លោកជំទាវនិងអ្នកម្តាយ ហ៊ុន សុីណាតព្រមទាំងក្រុមគ្រួសារ គឺដើម្បីចូលរួមចំនែកជាមួយរាជរដ្ឋាភិបាលដែលមានសម្តេចតេជោ ហ៊ុន សែន ជានាយករដ្ឋមន្រ្តីនៃព្រះរាជាណាចក្រកម្ពុជា ហើយកន្លងមកនេះសម្តេចក៏បានចូលរួមជួយចិញ្ចឹមលោកតា គង់ ណៃ ជារៀងរាល់ខែដែរ ហើយក្នុងនាមលោកជំទាវក៏សូមចូលរួមចំនែកជួយបន្ថែមរៀងរាល់ខែរយៈពេល៥ឆ្នាំដល់លោកតាគង់ណៃនិងភរិយា ។
អំណោយថ្ងៃនេះរួមមានថវិការរបស់ លោកជំទាវម៉ែ ហ៊ុន សុីណាតចំនួន និងអំណោយដែលលោកជំទាវឧកញ៉ា នឹម វណ្ណៈ ជួយ លោកតា គង់ណៃ រៀងរាល់ខែរយៈពេល៥ឆ្នាំ ដោយក្នុងមួយខែៗទទួលបានដូចជា
១ ទឹកប្រាក់ឧបត្ថម្ភចំនួន ៥០០,០០០៛ក្នុង១ខែ
២ អង្ករ៥០គីឡូ. ក្នុង១ខែ
៣ ត្រីខ១យួ
៤ ទឹកសៀអុីវ២យួ
ហើយ៣ខែម្តងគឺសម្រាប់សិល្បករលោកតាគង់ណៃ គឺមកទទួល ពីបងស្រី ឧកញ្ញ៉ា នឹមវណ្ណ: តាមរយ:មេធាវី ពៅបញ្ញា ទីតាំងHNS. ។ អត្ថបទនិងជូនដំណឹងដោយ លោក អុឹម ជីវ៉ា
