ជិវិតកម្មករឆ្លងដែន ក្រោយពីពិធីបុណ្យចូលឆ្នាំរួចក៏ត្រូវត្រឡប់ទៅធ្វើការវិញ ព្រោះតែក្រពះ ចង់បានក្តីសុខ ភាពកក់ក្តៅ គ្មាននរណាម្នាក់ចង់បែកពីគ្រួសារ ចង់ចាកចេញឆ្ងាយពីអ្នកមានគុណ ចង់រស់នៅក្នុងជីវិតជាទាសករប្រទេសជិតខាងនោះទេ។ ដោយបងប្រុសម្នាក់គាត់បានធ្វើការបង្ហោះលើគណនីហ្វេសប៊ុកគាត់ថា " ជីវិត​កម្មករ​ឆ្លងដែន​ ចូលឆ្នាំ​រួច​ត្រឡប់​ទៅ​ធ្វើ​ការ​វិញ។ ។ នេះហើយផ្លូវកាត់​ បីថ្ងៃពីរយប់​ ដេកនៅក្នុងព្រៃ​ ហាលក្តៅហាលភ្លៀង​ ហាលខ្យល់ហាលថ្ងៃ​ ម្នាក់ៗញ័រភ័យ​ ហារស្តីមិនចេញ​ . ចាំគេមកយក​ ក្នុងចិត្ត​ទួញសោក​ ដេកគិត​ ដេកភ័យ​ បានបាយខ្វះ​ទឹក​ បានព្រឹកខ្វះថ្ងៃ​ នឹកឡើងអាល័យ​ អាណិតខ្លួនឯង​ .រីឯឡានវិញ​ ញាត់មនុស្សឡើង​ពេញ​ ម្នាក់ៗស្ទើស្លាប់​ ទាហ៊ានតាមបាញ់​ ឡានបើកប្រញ៉ាប់​ បើសិនក្រឡាប់​ នឹងស្លាប់ទាំងអស់.(​ សំពៅលូន​ ថ្ងៃទី២០-២៣​ .០៤​.២០១៨.ចាំគ្មានថ្ងៃភ្លេច)"។