ពិធីប្រគល់ប្រាក់រង្វាន់របស់រាជរដ្ឋាភិបាល ជូនម្ចាស់ជ័យលាភីមេដាយមាស ប្រាក់ សំរឹទ្ធ ក្នុងការប្រកួតកីឡាតេក្វាន់ដូ ITF

បើយោងតាមផេករបស់ក្រសួងអប់រំ យុវជន និងកីឡា កាលពីថ្ងៃ២២ ឧសភា ២០១៨ បានរៀបចំពិធីប្រគល់ប្រាក់រង្វាន់របស់រាជរដ្ឋាភិបាល ជូនម្ចាស់ជ័យលាភី មេដាយមាស ប្រាក់ សំរឹទ្ធ ក្នុងការប្រកួតកីឡាតេក្វាន់ដូ ITF ជ្រើសរើសជើងឯកអាស៊ី លើកទី៩ រាជធានីភ្នំពេញ ។

ការអនុញ្ញាតឱ្យក្រុមប្រតិភូ គ្រូបង្វឹក និងកីឡាករ-កីឡាការិនីកីឡាតេក្វាន់ដូ ITF កម្ពុជា ចូលជួបសម្ដែងការគួរសម និងប្រគល់ប្រាក់រង្វាន់របស់រាជរដ្ឋាភិបាល ជូនម្ចាស់ជ័យលាភី ក្រោយបញ្ចប់បេសកកម្មក្នុងការប្រកួតកីឡាតេក្វាន់ដូ ITF ជ្រើសរើសជើងឯកអាស៊ី លើកទី៩ នៅទីក្រុង Ulaanbaatar ប្រទេសម៉ុងហ្គោលី ប្រកបដោយភាពជោគជ័យ ។

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតអោយក្រុមប្រតិភូ គ្រូបង្វឹក និងកីឡាករ-កីឡាការិនីកីឡាតេក្វាន់ដូ ITF កម្ពុជា ចូលជួបសម្ដែងការគួរសម និងសំណេះសំណាល នារសៀលថ្ងៃអង្គារ ៨កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ នៅវិមានសន្តិភាព ។