គួរប្រុងប្រយ័ត្ន !! កម្លាំងនគរបាល ក្រុងសិរីសោភ័ណ ឃាត់រថយន្ត២គ្រឿង ដឹកគ្រឿងក្នុងជ្រូក២៤កេស ដែលមានទម្ងន់១,០៨៥គីឡូក្រាម នាំចូលពីប្រទេសថៃ

បន្ទាយមានជ័យៈ នៅថ្ងៃទី៣ ខែមិថុនា ឆ្នាំ២០១៨ កម្លាំងនគរបាលបានឃាត់រថយន្ត២គ្រឿង ដែលស្ថិតនៅតាមផ្លូវជាតិលេខ៥ ក្នុងភូមិ សង្កាត់អូរអំបិល ក្រុងសិរីសោភ័ណ។

បើតាមសេចក្ដីរាយការណ៏របស់កម្លាំងនគរបាលប្រឆាំងបទល្មើសសេដ្ឋកិច្ច ខេត្តបន្ទាយមានជ័យ បានអោយដឹងថា រថយន្ត២គ្រឿងខាងលើនោះបាន ដឹកគ្រឿងក្នុងជ្រូក២៤កេស ដែលមានទម្ងន់១,០៨៥គីឡូក្រាម នាំចូលពីប្រទេសថៃ ។ ចំណែកម្ចាស់រថយន្តដឹកគ្រឿងក្នុងសត្វជ្រូកល្មើសច្បាប់ ត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់ ហើយគ្រឿងក្នុងសត្វជ្រូកខូចគុណភាពទាំងនោះត្រូវបានយកទៅដុតកម្ចេចចោលនៅទីលានចាក់សំរាមក្រុងសិរីសោភ័ណ។ ប្រភពៈ ណុត

ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។