រថយន្តមួយគ្រឿងបើកបរក្នុងល្បឿនលឿន ជ្រុលទៅបុកម៉ូតូមួយគ្រឿង ផ្តាច់យកអាយុជីវិតឪពុក ចំណែកកូនអាយុ២ឆ្នាំ​បានរងរបួសយ៉ាងធ្ងន់ធ្ងរ....
ស៊ីថា
- 668

ខេត្តសៀមរាប៖ ករណីគ្រោះថ្នាក់ចរាចរណ៍ កាលពីថ្ងៃទី២២ ខែមិថុនា ឆ្នាំ២០១៨ កើតឡើង​នៅ​ភូមិ​ចក ឃុំ​ស​ង្វើ​យ ស្រុក​ជីក្រែង ខេត្តសៀមរាប ដែល​បង្កឡើង​រវាងរ​ថ​យន្ត​ម៉ាក HIGHLADER ជាមួយនឹង​ម៉ូតូ​មួយគ្រឿង ​បណ្តាលអោយ ស្លាប់​បុរស​ជា​ឪពុក​ស្លាប់ និង​កូនប្រុស​អាយុ២ឆ្នាំ​រងរបួស​ធ្ងន់។

បើតាមសម្តីរបស់សមត្ថកិច្ចបានប្រាប់ថា ​អ្នកបើកបរ​រថយន្ត​ឈ្មោះ នុប ចន្ថា ភេទ​ប្រុស អាយុ២៧ឆ្នាំ រស់នៅ​ភូមិ​ជើងព្រៃ​ទី៣ ឃុំ​អំពៅ​ព្រែក ស្រុក​កណ្តាលស្ទឹង ខេត្តកណ្តាល បើកបរ​រថយន្ត​ម៉ាក HIGHLADER ពណ៌​ខ្មៅ ពាក់​ស្លាក​លេខ ភ្នំពេញ 2AE4182 បើកបរ​ពី​ទិសដៅ​ពី​ខាងកើត ទៅខាង​លិច ទៅបុក​ជាមួយនឹង​ម៉ូតូ​ម៉ាកC125 ពណ៌​ខ្មៅ ពាក់​ស្លាក​លេខ សៀមរាប 1R 0365 បណ្តាលអោយ ស្លាប់​បុរស​ជា​ឪពុក​ស្លាប់ និង​កូនប្រុស​អាយុ២ឆ្នាំ​រងរបួស​ធ្ងន់។ ជនរងគ្រោះ​ដែលជា​ឪពុក​ដែល​បាន​ស្លាប់​នោះ​មានឈ្មោះ ម៉េង ព្យួ​ឡុង អាយុ២៨ឆ្នាំ បាន​ស្លាប់​ពេល​បញ្ជូន​ដល់​មន្ទីរពេទ្យ និង​កូនប្រុស​ឈ្មោះ កា លី​ណា អាយុ០២ឆ្នាំ រងរបួស​ធ្ងន់។ ជនរងគ្រោះ​ទាំងពីរ​មាន​ទីលំនៅ​ភូមិ​ចក ឃុំ​ស​ង្វើ​យ ស្រុក​ជីក្រែង ខេត្តសៀមរាប។
បច្ចុប្បន្ន​ទាំង​រថយន្ត​និង​ម៉ូតូ ត្រូវបាន​រក្សាទុក​នៅ​អធិការនគរបាល​ស្រុក​ជីក្រែង ដើម្បី​ដោះស្រាយ​តាម​នីតិវិធី​ច្បាប់៕
ដោយ៖ និស្ស

Loading...