ភ្នំពេញ ៖ រថយន្តកាម៊រីហាយប្រីត មួយគ្រឿងខណៈបើកបរសុខៗ ស្រាប់តែបែកកង់មុខ ក៏រ៉េចង្កូតមកឆ្វេងដៃ បុករបាំងពុះចែកទ្រូងផ្លូវពេញទំហឹង បណ្តាល រថយន្តក្រឡាប់ផ្ងារជើង និងខូចខាតរបាំងថ្មចំនួន១ផ្ទាំង ។ គ្រោះថ្នាក់ចរាចរណ៍នេះកើត​ឡើង​កាល​ពី​វេលា​ម៉ោង ៨ និង​០០នាទីព្រឹកថ្ងៃទី​២៣ ខែ មិថុនា ឆ្នាំ ២០១៨ ក្បែរអង់តែនទួលគោក ​ស្ថិត​ក្នុង​សង្កាត់​បឹងកក់១​ ខណ្ឌទួលគោក រាជធានីភ្នំពេញ ។

តាមប្រ​ភព​ព័ត៌មាន​ពីកន្លែង​កើតហេតុ​បាន​ឱ្យ​ដឹង​ថា នៅ​មុន​ពេល​កើតហេតុ​គេឃើញបុរសម្នាក់បើក ​រថយន្ត​កាមរី​ហាយ​ប្រ៊ីត ពណ៌​ស មួយ​គ្រឿង​ ពាក់​ស្លាក​លេខ​ភ្នំ​ពេញ 2O-6699 ធ្វើ​ដំណើរយ៉ាង​លឿន​ពីរវង់មូលកាំកូរ ក្នុង​ទិសដៅ​ពី​ជើង​ទៅ​ត្បូង​ ខណៈមក​ដល់​ចំណុច​កើតហេតុ​រថយន្តខាងលើបានបែកកង់​ ក៏បាន​រេចង្កូត​ទៅ​បុកក្បាលរបាំង​ថ្ម ខណ្ឌចែក​ទ្រូង​ផ្លូវ​​​បណ្ដោយឲ្យក្រឡាប់ផ្ងារជើងរងការ​ខូច​ខាត​យ៉ាង​ដំណំ​ប៉ុន្តែ​សំណាង​ល្អ​អ្នក​បើក​បរ​ពុំ​មាន​រង​របួស​។ ក្រោយ​ពេល​កើត​ហេតុ​រថយន្ត​បង្ក​ខាង​លើ​ត្រូវ​បាន​សមត្ថ​កិច្ច​យក​ទៅ​កាន់ការិយាល័យ​ចរាចរ​នៃស្នង​ការដ្ឋាន​នគរ​បាល​រាជ​ធានី​ភ្នំ​ពេញ​ដើម្បី​ដោះ​ស្រាយ​គ្នា​តាម​ផ្លូវ​ច្បាប់៕ ដោយ៖ភារ៉ា​