ភ្នំពេញ៖ បុរសម្នាក់បានស្លាប់យ៉ាងអាណោចអធម៌នៅនិងកន្លែង ខណះកំពុងជិះម៉ូតូមួយគ្រឿងនៅតាមដងផ្លូវ ត្រូវរថយន្តកាមរីបាឡែនមួយគ្រឿងបើកបុកពីក្រោយពេញទំហឹង រួចបើករត់គេចខ្លួនបាត់ស្រមោល ។

ហេតុការណ៍នេះបានកើតឡើងកាលពីវេលាម៉ោង៨-៣០នាទីយប់​ ថ្ងៃទី១០ ខែកក្កដាឆ្នាំ២០១៨ ស្ថិតតាមបណ្ដោយផ្លូវវេងស្រេង នៅចំនុចមុខផ្ទះសំណាក់សេះមាស ស្ថិតក្នុងសង្កាត់ស្ទឹងមានជ័យ៣ ខណ្ឌមានជ័យ។ រាជធានីភ្នំពេញ។ ជនរងគ្រោះមានឈ្មោះ សិលា ភេទប្រុសអាយុ២៥ឆ្នាំមុខរបវិស្វករស្នាក់នៅស្ទឹងមានជ័យខណ្ឌមានជ័យមានស្រុកកំនើតនៅភូមិក្បាលកោះស្រុកគៀនស្វាយខេត្តកណ្ដាល។ តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់ជិះម៉ូតូមួយគ្រឿងម៉ាកPCX ពណ៌ស ពាក់ស្លាកលេខភ្នំពេញ1GW-6372​បានធ្វើដំណើរទិសដៅពីលិចទៅកើត លុះមកដល់ចំណុចកើតហេតុខាងលើក៍មានរថយន្តមួយគ្រឿងម៉ាកកាមរីបាឡែនមិនចាំស្លាកលេខបានបើកមកពីក្រោយស្របទិសដៅគ្នាបុកពេញទំហឹងបណ្តាលឲ្យជនរងគ្រោះដួកក្បាលនិងថ្នល់ស្លាប់នៅនិងកន្លែង។ចំណែករថយន្តបង្កបើករត់គេចខ្លួនបាត់ស្រមោល។ ក្រោយកើតហេតុសមត្ថកិច្ចមូលដ្ឋានបានចុះមកបានទំនងទៅសមត្ថកិច្ចចុះមកធ្វើការវាស់វែងយកម៉ូតូទៅរក្សាទុករងចាំសាច់ញាត្តិយកឯសារមកនិងប្រគល់អោយយកទៅផ្ទះវិញ។ដោយឡែកសពជនរងគ្រោះសមត្ថកិច្ចប្រគល់ជូនសាច់ញាត្តិយកទៅធ្វើបុណ្យនៅស្រុកកំនើតតាមប្រពៃណី៕ ដោយៈ ភារ៉ា