ក្រុមមាន់គកបារាំង បានក្លាយជាជើងឯកពានរង្វាន់ បាល់ទាត់ពិភពលោក FIFA World Cup ជាលើកទី២ ក្រោយយកឈ្នះក្រូអាត ដោយលទ្ធផល ៤-២ នៅក្នុងទីក្រុងម៉ូស្គូ នៃប្រទេសរុស្ស៊ី ២០១៨ ។

បារាំង បានបើកការនាំមុខ១គ្រាប់មុន នៅនាទីទី១៨ ពីការធ្វេសប្រហែសចូលទីខ្លួនឯងរបស់កីឡាករ Mario Mandzukic មុនពេលមិត្តរួមក្រុម Ivan Perisic រកគ្រាប់តាមស្មើវិញនៅ ១០នាទីបន្ទាប់ តែត្រូវបានកីឡាករខ្សែប្រយុទ្ធ Antoine Griezmann រកគ្រាប់នាំមុខ ២-១ នៅនាទីទី៣៨ ដោយការទាត់បាល់ប៉េណាល់ទី១១ម៉ែត្រ។ មុនបញ្ចប់វគ្គទី១ រយៈពេល ៤៥នាទី ជាមួយ Paul Pogba ធ្វើបានសម្រេចគ្រាប់ទី៣ នៅនាទីទី៥៩ និងគ្រាប់ទី៤ ដោយ Kylian Mbappe នៅនាទីទី៦៥ និងគ្រាប់ទី២ របស់ក្រូអាតកើតឡើងនៅនាទីទី៦៩ ដោយកីឡាករ Mario Mandzukic។ នេះជាការលើកពាន World Cup លើកទី២ សម្រាប់ក្រុមជម្រើសជាតិបារាំង ក្រោយរង់ចាំអស់រយៈពេល ២០ឆ្នាំមកហើយ បន្ទាប់ពីការលើកពានលើកដំបូងក្នុងទឹកដីរបស់ខ្លួននៅឆ្នាំ១៩៩៨ ពីការបង្ហាញខ្លួនបាន ១៤ដងក្នុងយុទ្ធនាការមានរយៈពេល ៤ឆ្នាំម្តងនេះ។ ការឈ្នះរបស់បារាំងពេលនេះ ជាការផ្តល់ភាពឈឺចាប់ដល់ក្រូអាតមិនដែលឈ្នះពាននេះឡើយ ក្រោយបង្ហាញខ្លួនបាន ៥ដង តែធ្លាប់ជាប់លេខ៣ ម្តងដែរកាល World Cup 1998។ សូមបញ្ជាក់ថា បារាំង ឈ្នះជើងឯក ដោយទទួលបានពាន FIFA World Cup 2018 មួយ មេដាយមាស ៤៥គ្រឿង និងរង្វាន់អមដោយទឹកប្រាក់ចំនួន ៣៨លានដុល្លារ ខណៈជើងរងក្រូអាត ទទួលបានមេដាយប្រាក់ ៤៥គ្រឿង និងទឹកប្រាក់ ២៨លានដុល្លារ និងលេខ៣ ប៊ែលហ្ស៊ិក ទទួលបានមេដាយសំរឹទ្ធ ៤៥គ្រឿង ជាមួយទឹកប្រាក់ ២៤លានដុល្លារ និងលេខ៤ អង់គ្លេស ទទួលបាន ២២លានដុល្លារ ខណៈ កីឡាករ Harry Kane របស់អង់គ្លេស ឈ្នះស្បែកជើងមាស កីឡាករល្អជាងគេបានលើកីឡាករ Antonio Griezmann របស់បារាំង ៕