រថយន្តហីុយ៉ាន់ដាយបើកលឿនជ្រុលបុកបុរសម្នាក់កំពុងជិះម៉ូតូឆ្លងផ្កូវបណ្តាលអោយរងរបួស​ធ្ងន់ហើយព្យាយាមបើកគេចតែត្រូវប្រជាពលរដ្ឋដេញឃាត់បាន
-

ភ្នំពេញៈ​ បុរសម្នាក់បានរងរបួសធ្ងន់ធ្ងរបញ្ជូនទៅសង្គ្រោះនៅមន្ទីរពេទ្យភ្លាមៗ​ ខណៈជិះម៉ូតូឆ្លងផ្លូវត្រូវរថយន្តហីុយ៉ាន់ដាយបុកពេញទំហឹង​ កាលពីវេលាម៉ោង​ ១១នឹង​ ៣០នាទី​ ព្រឹកថ្ងៃទី​ ១៩​ ខែ​ កក្កដា​ ឆ្នាំ​ ២០១៨​ ស្ថិតនៅតាមបណ្តោយផ្លូវវេងស្រេង​ កែងផ្លូវដួងងៀត​ ភូមិដំណាក់ធំ៣​ សង្កាត់ស្ទឹងមានជ័យទី៣​ ខណ្ឌមានជ័យ​ រាជធានីភ្នំពេញ​ ។

តាមសម្តីប្រជាពលរដ្ឋដែលឃើញហេតយការណ៍គ្រោះថ្នាក់ចរាចរនេះបានអោយដឹងថាមុនពេលកើតហេតុបុរសរងគ្រោះបានជិះម៉ូតូមួយគ្រឿងម៉ាក​ សេ​១២៥​ ពណ៌ខ្មៅ​ ធ្វើដំណើរតាមបណ្តោយផ្លូវវេងស្រេងទិសដៅ​ ពីលិចទៅកើត​ លុះមកដល់ចំណុចកើតហេតុ​បំណងជិះឆ្លងផ្លូវ​ ក៏ត្រូវរថយន្តមួយគ្រឿងម៉ាកហីុយ៉ាន់ដាយ​ ដឹកទំនិញ​ កំពុងធ្វើដំណើរតាមបណ្តោយផ្លូវវេងស្រេងទិសដៅពីកើតទៅលិចក្នុងល្បឿនយ៉ាងលឿន​ក៏ជ្រុលបុកពេញទំហឹង​ បណ្តាលអោយបុរសម្ចាសលម៉ូតូរងរបួសធ្ងន់ធ្ងរបញ្ជូនទៅសង្គ្រោះនៅមន្ទីរពេទ្យភ្លាមៗ​ ចំណែករថយន្តបង្កបានព្យាយាមបើករត់គេចខ្លួនទៅតាមផ្លូវឌួងងៀតបានប្រហែល​ ៥០០ម៉ែត្រ​ ក៏ត្រូវបានប្រជាពលរដ្ឋ​ ឃាត់ជាប់ប្រគល់អោយសមត្ថកិច្ចភ្លាមៗ​ ។
ក្រោយកើតហេតុសមត្ថកិច្ចមូលដ្ឋានបានសហការជាមួយនគរបាលជំនាញចុះវាស់វែងអូសយករថយន្តបង្កនឹងម៉ូតូទៅរក្សាទុកនៅអធិការដ្ឋាននគរបាលខណ្ឌមានជ័យ​ រងចាំដោះស្រាយនាពេលក្រោយ​ ៕
ដោយ៖ ភារ៉ា