នេះជាលទ្ធិផល!! បើករថយន្តមិនគោរពភ្លើងស្ទុប ជ្រុលទៅបុករះម៉ូតូ២គ្រឿង បង្គោលភ្លើងបាក់អស់១ដើម និងជញ្ជាំងផ្ទះប្រជាពលរដ្ឋ រងការខូចខាតយ៉ាងដំណំ
- 1858

រាជធានីភ្នំពេញ ៖ រថយន្តដឹកដែកមួយគ្រឿង បានបើកបរយ៉ាងលឿនដូចហោះ និងមិនគោរពភ្លើងស្តុប បានជ្រុលទៅបុករះម៉ូតូ២គ្រឿងនិងបុកបង្គោលភ្លើងបាក់អស់មួយដើម ថែមទាំងបុកជញ្ចាំងផ្ទះប្រជាពលរដ្ឋរងការខូចខាតថែមទៀត ហើយរថយន្តបង្កបានក្រឡាប់ផ្ងារជើងតែម្ដង ។

ហេតុការណ៍គ្រោះថ្នាក់ចរាចរណ៍ដ៏ភ្ញាក់ផ្អើលខាងលើនេះ​ បានកើតឡើងកាលពីវេលាម៉ោង៩និង៣០នាទីព្រឹក ថ្ងៃទី០៩ ខែសីហា ឆ្នាំ២០១៨ នៅចំនុចស្តុបផ្លូវបំបែកផ្សាថ្នល់បត់ តាមបណ្ដោយផ្លូវ២១៧ ស្ថិតក្នុងភូមិខ្វា​ សង្កាត់ដង្កោ ខណ្ឌដង្កោ រាជធានីភ្នំពេញ ។
អ្នកបើករថយន្តបង្ករខាងលើមានឈ្មោះ ឯម ឌីណាអាយុ២២ឆ្នាំ មុខរបរបើកបររថយន្តមានស្រុកកំណើតនៅភូមិទន្លាប់ ឃុំសឹង ស្រុកសំរោង ខេត្តតាកែវត្រូវបានសមត្ថកិច្ចឃាត់ខ្លួន រួមនិងព្រួ២នាក់ទៀត។
តាមប្រភពព័ត៍មានពីប្រជាពលរដ្ឋដែលនៅកន្លែងកើតហេតុបានឲ្យដឹងថា នៅមុនពេលកើតហេតុ រថយន្តដឹកដែកមួយគ្រឿង ពណ៌ខៀវខាងលើ ពាក់ស្លាកលេខ ព្រះសីហនុ 3A- 3837 បានដឹកដែកចេញពីក្រុងតាខ្មៅឆ្ពោះមកម្តុំស្ពានដែកចំការដូង តាមបណ្ដោយផ្លូវ២១៧ លុះមកដល់ចំណុចភ្លើងស្តុបផ្សារថ្នល់បត់ចំការដូង ដែលជាកន្លែងកើតហេតុខាងលើ ដោយអ្នកបើកបរបើកប្រញាប់មិនគោរពភ្លើងស្តុប បានបន្ថែមល្បឿនទៅបុករះម៉ូតូ២គ្រឿង និងបង្គោលភ្លើង១ដើម រួមទាំងផ្ទះប្រជាពលរដ្ឋថែមទៀត ដោយរថយន្តបង្កបានក្រឡាប់ផ្ងារជើង ក៏បង្ករឲ្យមានការភ្ញាក់ផ្អើលប្រជាពលរដ្ឋ និងសមត្ថកិច្ចពេញខណ្ឌដង្កោតែម្តង សំណាងល្អដែរ ក្នុងហេតុការណ៍នេះមិនមានមនុស្សរងរបួសនោះទេ ។
ក្រោយពេលកើតហេតុ កម្លាំងនគរបាលប៉ុស្តិ៍ដង្កោ សហការណ៍ជាមួយកម្លាំងនគរបាលចរាចរណ៍ខណ្ឌដង្កោ ចុះទៅធ្វើការវាស់វែងនិងជួយសម្រួលចរាចរណ៍ជូនប្រជាពលរដ្ឋដើម្បីបញ្ជៀសការកកស្ទះនៅកន្លែងកើតហេតុ រួមទាំងស្ទួចរថយន្តបង្កខាងលើ យកទៅរក្សាទុកនៅអធិការដ្ឋាននគរបាលខណ្ឌដង្កោ ដើម្បីដោះស្រាយគ្នានៅពេលក្រោយ៕
ដោយ៖ ភារ៉ា