មីយ៉ាន់ម៉ាៈ កាលពីថ្ងៃទី០៣ មិថុនា កន្លងទៅថ្មីៗនេះ តារាម៉ូដែល និងជាវេជ្ជបណ្ឌិតនាង Nang Mwe San ត្រូវបានក្រុមប្រឹក្សាភិបាលផ្នែកវេជ្ជសាស្ត្រ បានព្យួរអាជ្ញាប័ណ្ឌរបស់នាង នៅក្នុងលិខិតមួយផ្ញើទៅនាង ដោយសរសេរបញ្ជាក់ថា នាងបានបង្ហោះរូបថត តាមបណ្តាញសង្គមហ្វេសបុក ដោយស្លៀកពាក់ឈុតស៊ិចសុី និងប៊ីគីនីមិនសមរម្យ។ ផងដែរនោះ នាងបាននិយាយថា នាងនឹងធ្វើការតវ៉ាប្រឆាំង នឹងការសំរេចចិត្តក្រុមប្រឹក្សាភិបាលផ្នែកវេជ្ជសាស្ត្រ ដែលធ្វើការដកហូតអាជ្ញាប័ណ្ឌនាង ក្រោយពីនាងបានបង្ហោះរូបភាពសុិចសុី តាមបណ្តាញសង្គមហ្វេសបុក។
តាមរយៈទំព័រហ្វេសបុក ជាវេជ្ជបណ្ឌិតផង ជាតារាម៉ូដែលផង នាង Nang Mwe San ដែលមានអាយុ២៨ឆ្នាំ ជារឿយៗ តែងតែបង្ហោះរូប ស្លៀកបំពាក់ស៊ិចសុី ស្លៀកពាក់សំលៀកតឹងៗ ឈុតដេកយប់ ឈុតប៊ីគីនីហែលទឹក និងសូម្បីឈុតសំលៀកបំពាក់ប្រពៃណីមីយ៉ាន់ម៉ា ក៏ស៊ិចសុីដែរ។
តាមលិខិតនោះ ក្រុមប្រឹក្សាបន្ថែមថា នាងបានធ្វើរឿង ដែលមិនសាកសមនឹងប្រពៃណីមីយ៉ាន់ម៉ា ទោះបីធ្លាប់សន្យាថា ឈប់ធ្វើដូច្នេះក៏ដោយ ក្រោយធ្លាប់មានការព្រមានកាលពីខែមករាក្ដី។
បន្ទាប់ពីកើតរឿងបែបនេះ សាមុីខ្លួនបានសម្តែងការភ្ញាកផ្អើលខ្លាំង ដោយនិយាយថា ដើម្បីក្លាយជាវេជ្ជបណ្ឌិតម្នាក់ វាពិតជាការតស៊ូលំបាកខ្លាំងណាស់ តើការស្លៀកពាក់ស៊ិចសុីបែបនេះ នៅពេលខ្ញុំជួបអ្នកជំងឺឬ? ចំលើយគឺមិនដែលទេ! វាគ្រាន់តែជារូបភាពសិល្បៈ។ សំរាប់នាងមិនអាចទទួលយកសេចក្ដីសម្រេចនេះបានទេ ដូច្នេះនាងនឹងប្ដឹងឧទ្ធរណ៍ប្រឆាំងនឹងការសម្រេចមួយនេះ ៕
.jpg?1711517593)
