នៅព្រឹកនេះមានលើបណ្តាញសង្គមហ្វេសប៊ុករបស់លោក Huy Bunleng បានបង្ហោះវិដេអូ ពីសកម្មភាពរបស់បុរសជនជាតិចិនម្នាក់ ដែលមានផ្ទុកវីរុសកូរ៉ូណា។ បុរសដែលផ្ទុកជំងឺនោះមានឈ្មោះថា ចាង ជិនហ៊ូ បានបង្ហាញពីសកម្មភាពរបស់ជនជាតិចិនរូបននោះចេញមកយកអាហារដោយខ្លួននៅក្នុងសភាពធម្មតា ដូចមិនមែនជាអ្នកជំងឺ។
នៅក្នុងគណនីហ្វេសប៊ុករបស់ លោក Huy Bunleng បានបង្ហាញថា "បុរសជនជាតិចិនអាយុ៦០ឆ្នាំឈ្មោះចាង ជិនហ៊ូ ដែលផ្ទុកមេរោគកូរ៉ូណា យកអាហារដែលគ្រូពេទ្យរៀបចំទុកដាក់ នៅមុខបន្ទប់ពេទ្យដាច់ដោយឡែក ក្នុងមន្ទីរពេទ្យបង្អែកខេត្តព្រះសីហនុ កាលពីព្រឹកថ្ងៃទី ២៩ ខែមករា ឆ្នាំ២០២០។ មន្ត្រីពេទ្យថ្លែងថា បុរស រូបនេះមានសុខភាពធម្មតា មិនស្ថិតក្នុងស្ថានភាពធ្ងន់ធ្ងរទេ ហើយការរៀបចំបែបនេះ គឺធ្វើឡើងដើម្បីទប់ស្កាត់ការចម្លងមកអ្នកផ្សេង ក្នុងនោះនៅពេលអ្នកជម្ងឺរូបនេះ ចង់បរិភោគអ្វី គឺទូរសព្ទ័ប្រាប់ក្រុមគ្រូពេទ្យ ហើយក្រុមគ្រូពេទ្យយកអាហារ ដែលគាត់ចង់បរិភោគទៅដាក់នៅលើតុ នៅខាងមុខបន្ទប់របស់គាត់ ។ បច្ចុប្បន្នក្រុមគ្រូពេទ្យកំពុងបន្តព្យាបាលតាមបច្ចេកទេស ក្នុងនោះក្រៅពីគ្រូពេទ្យដែលមានភារកិច្ចព្យាបាលនិងមើលថែ អ្នកផ្សេងមិនអនុញ្ញាតអោយទៅជិតបន្ទប់នេះឡើយ ហើយអ្នកជំងឺរូបនោះក៍មិនអនុញ្ញាតអោយចេញក្រៅខ្សែរង្វង់ហាមឃាត់ដែរ ដើម្បីការពារមិនអោយមានឆ្លងវីរុសនេះបន្ត"។
បើយើងតាមគណនីហ្វេសប៊ុករបស់ បានលើកឡើងថា "រហូតដល់ម៉ោង ១២ ថ្ងៃត្រង់ ថ្ងៃទី ២៨ មករា ២០២០ ស្ថានភាពអ្នកជំងឺរលាកសួតបង្កឡេីងដោយមេរោគកូរ៉ាវីរុសប្រភេទថ្មី គាត់មានសុខភាពល្អ គ្មានរោគសញ្ញាធ្ងន់ធ្ងរទេ ។ យេីងបានរកឃេីញអ្នកប៉ះពាល់ និងជិះយន្តហោះជាមួយអ្នកជំងឺ រហូតពេលនេះពុំមានអ្នកចេញរោគសញ្ញាអ្វីនៅឡេីយដែរ ។ មន្រ្តីជំនាញនឹងបន្តតាមដានសុខភាពអ្នកប៉ះពាល់ជាមួយអ្នកជំងឺទាំងអស់ជារៀងរាល់ថ្ងៃ ។ ហេីយគ្រូពេទ្យថែទាំអ្នកជំងឺ គ្មានចេញរោគសញ្ញាអ្វីទេ និងគ្រប់គ្រូពេទ្យបំរេីការនៅមន្ទីរពេទ្យក្រុងព្រះសីហនុ កំពុងបំរេីការងារក្នុងមន្ទីរពេទ្យជាធម្មតា ។ រហូតពេលនេះពុំទាន់រកឃេីញករណីជំងឺកូរ៉ូណាវីរុសថ្មីទៀតទេ ។ព័ត៌មានបន្ថែមសូមទាក់ទងលេខ ១១៥ "។
បើចង់ជ្រាបឲ្យកាន់តែច្បាស់ សូមទស្សនាវិដេអូទាំងអស់គ្នា៖
