(ពិភពលោក)៖ អង្គការសុខភាពពិភពលោក (WHO) បានចេញប្រកាសអាសន្នជាសកលមួយ ចំពោះការវាយប្រហារនៃជំងឺផ្លូវដង្ហើមថ្មីកូរ៉ូណានៅលើពិភពលោក ខណៈដែលអ្នកស្លាប់នៃជំងឺនេះបានកើនដល់ ២១៣នាក់ នៅក្នុងប្រទេសចិន និងកំពុងឆ្លងរាលដាលដល់មនុស្សលើស៩០០០នាក់ គិតត្រឹមព្រឹកថ្ងៃទី៣១ ខែមករា ឆ្នាំ២០២០នេះ។ នេះបើតាមការចុះផ្សាយរបស់សារព័ត៌មានរបស់ចិន CGTN និងអន្តរជាតិធំៗ។

កងទាហាននៃកងកំលាំងប្រដាប់អាវុធសឹង្ហបុរីប្រមាណជា ១.៥០០ នាក់កំពុងតែធ្វើការពេញម៉ោងដើម្បីធានាថាម៉ាស់ចំនួន ៥.២ លានដែលត្រូវចែកជូនប្រជាពលរដ្ខនៅក្នុងប្រទេសសិង្ហបុរីចាប់ពីថ្ងៃសៅរ៍ (១ កុម្ភៈ) ត្រូវបានរៀបចំឡើងទាន់ពេលវេលា។

ថ្លែងជាមួយអ្នកសារព័ត៌មានកាលពីថ្ងៃសុក្រ (៣១ មករា) បន្ទាប់ពីបានសង្កេតមើលប្រតិបត្តិការវេចខ្ចប់របាំងនៅឯវិទ្យាស្ថានយោធាហាហ្វីក្នុងទីក្រុងជូគុនរដ្ឋមន្រ្តីក្រសួងការពារជាតិ លោក Ng Eng Hen  បាននិយាយថាការវេចខ្ចប់នេះកំពុងដំណើរការហើយក្រុមគ្រួសារនឹងអាចទទួលបានរបាំងមុខទាន់ពេលវេលា។

លោកបានមានប្រសាសន៍ថានេះជាមូលហេតុដែលបញ្ជាការជំនួយប្រយុទ្ធត្រូវបានកេណ្ឌប្រមូលមកជួយខ្ចប់ម៉ាស់ដើម្បីចែកចាយដល់គ្រួសារខណៈអង្គភាពប្រតិបត្តិការផ្សេងទៀតនៅតែមានកាតព្វកិច្ច។

គួរបញ្ចាក់ផងដែរថា នៅកាលពីថ្ងៃព្រហស្បតិ៍រដ្ឋាភិបាល សាំងកាពួរ បានប្រកាសថាគ្រួសារទាំងអស់ចំនួន ១,៣ លានគ្រួសារនឹងត្រូវបានផ្តល់ម៉ាស់ចំនួន ៤ ក្នុងមួយម្នាក់ ៗ ហើយនឹងត្រូវចែកចាយជាបន្តបន្ទាប់ចាប់ពីថ្ងៃសៅរ៍ដែលជាផ្នែកមួយនៃវិធានការណ៍ដើម្បីដោះស្រាយការរីករាលដាលនៃវីរុសអ៊ូហាននៅក្នុងប្រទេសសិង្ហបុរី។ នេះបើយោងទៅតាមកាចុះផ្សាយរបស់កាសែត straitstimes របស់ប្រទេសសាំងកាពួរ