បច្ចុប្បន្នមានបងប្អូនជាច្រើន បានចូលរួមចែករំលែក ក្តីស្រលាញ់ និងដើម្បីជួយដល់បងប្អូនដែលកំពុងតែជួបការលំបាក នានា ពិសេសគឺវីរុសកូវីដ១៩ ដែលកំពុងតែមានវត្តមាននៅប្រទេសកម្ពុជាយើងនេះ ក៏មានបងប្អូនជាច្រើន បានចែកស្បៀងដូចជាមី អង្ករ ម៉ាស់ ទឹកលាងដៃ ដើម្បីជាការពារខ្លួន។
នៅក្នុងគណនីហ្វេសប៊ុករបស់ប្រជាជន ខេត្តព្រះសីហនុ បានបង្ហោះសារថា "សូមសកម្មភាពនេះ កើតមានគ្រប់កន្លែង ក្នុងខេត្តព្រះសីហនុ
សូមថ្លែងអំណរគុណ ចំពោះលោក លោកស្រី សប្បុសជន ប្រជាជនរស់នៅខេត្តព្រះសីហនុ ដែលមានសណ្ដានចិត្តល្អ បានចែករំលែកជួយដល់ប្រជាជនខ្វះខាត ក្នុងកាលៈទេសៈ ដែលយើងត្រូវចូលរួមចំណែកក្នុងការការពារ ទប់ស្កាត់ ជំងឺកូវីដ-១៩ នេះ។
ប្រជាជនទូទាំងខេត្ត និងមហាជន ពិតជាចងចាំនូវការចូលរួមរបស់ លោក លោកស្រី ក្នុងដួងចិត្ត នៃបេះដូងមនុស្សធម៌ ។ សូមជូនពរលោក លោកស្រី សូមទទួលបាននូវពុទ្ធពរទាំង ៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ"។
ប្រភព៖ ប្រជាជន ខេត្តព្រះសីហនុ
