រដ្ឋមន្រ្តីក្រសួងហិរញ្ញវត្ថុ ក្នុងរដ្ឋ Hesse ប្រទេសអាឡឺម៉ង់លោក Thomas Schaefer បានធ្វើអត្តឃាតខ្លួនឯងបន្ទាប់ពីលោកមានការព្រួយបារម្ភយ៉ាងខ្លាំងអំពីវិធីដោះស្រាយស្ថានភាពសេដ្ឋកិច្ចដោយសារការផ្ទុះឡើងនៃវីរុស Covid-19 ។

យោងតាមសារព័ត៌មាន The Star បានរាយការណ៍ថាការិយាល័យព្រះរាជអាជ្ញាក្នុងទីក្រុង Wiesbaden បានរកឃើញថាសាកសពរបស់បុរសអាយុ ៥៤ ឆ្នាំរូបនេះត្រូវបានគេរកឃើញនៅក្បែរផ្លូវដែកមួយកាលពីថ្ងៃសៅរ៍ (២៨ មីនា) ហើយត្រូវបានគេជឿជាក់ថារូបលោកបានធ្វើអត្តឃាតដោយខ្លួនឯង។

នាយករដ្ឋមន្រ្តី Volker Bouffier បាននិយាយថា“ យើងមានការតក់ស្លុតនិងមិនគួរឱ្យជឿហើយអ្វីដែលសំខាន់ជាងនេះទៅទៀតយើងពិតជាមានការក្រៀមក្រំជាទីបំផុត” ។

រដ្ឋ Hesse គឺជាកន្លែងដែលមូលធនហិរញ្ញវត្ថុរបស់ទីក្រុងFrankfurt ស្ថិតនៅប្រទេសអាឡឺម៉ង់ហើយជាកន្លែងរបស់ធនាគារកណ្តាលអឺរ៉ុបនិងអ្នកផ្តល់ប្រាក់កម្ចីធំៗ ដូចជាធនាគារ Deutsche Bank និងទីស្នាក់ការកណ្តាល Commerzbank ។

លោកស្រី Bouffier បានរំលឹកផងដែរថាលោក Schaefer ដែលជារដ្ឋមន្រ្ដីហិរញ្ញវត្ថុ របស់រដ្ឋHesse ដោយលោកបានបំពេញការងារនេះអស់រយៈពេលជាង ១០ ឆ្នាំមកហើយ ដោយលោកបានធ្វើការ“ ទាំងយប់ទាំងថ្ងៃ” ដើម្បីជួយក្រុមហ៊ុននិងកម្មករដោះស្រាយផលប៉ះពាល់ផ្នែកសេដ្ឋកិច្ចពីការរាតត្បាតនានា។

អ្នកស្រី Bouffier បាននិយាយថា“ ថ្ងៃនេះយើងពិតជាមានការសោកស្ដាយយ៉ាងខ្លាំងក្នុងការបាត់បង់រួបលោក ជាពិសេសវាច្បាស់ណាស់ក្នុងអំឡុងពេលស្ថានការណ៍ដ៏លំបាកនេះយើងកំពុងតែត្រូវការនរណាម្នាក់ដែលមានសម្ថភាពដូចរូបលោកក្នុងការស្វែងរកដំណោះស្រាយ ក្នុងនោះផងដែរលោកSchaefer បានបន្សល់ទុកប្រពន្ធនិងកូនពីរនាក់” ។

គិតមកទល់ពេលនេះប្រទេសអាល្លឺម៉ង់មានអ្នកឆ្លងចំនួន ៦២.០៩៥ នាក់បានបញ្ជាក់ពីករណី Covid-១៩ រួមមានការជាសះស្បើយចំនួន ៩.២១១ នាក់និងមានអ្នកស្លាប់ចំនួន ៥៤១ នាក់។ ប្រភពworldofbuzz

សម្រួលអត្ថបទដោយ៖SOEUR.