យោងតាមការរាយការណ៍ដោយកាសែត Malaysiakini និង Sin Chew Daily ថាប្រទេសឥណ្ឌូនេស៊ីបានប្រកាសអំពីចំនួនករណីកើនឡើងខ្ពស់បំផុតរបស់ខ្លួនប្រទេស ខណៈពេលដែលគ្រូពេទ្យ ២៥ នាក់បានស្លា ប់ដោយសារការឆ្លងវីរុស Covid-19 ។

ករណីឆ្លងនៃ វីរុសCovid-19 ដោយមានអ្នកឆ្លងថ្មីចំនួន ២១៨ករណី នៅប្រទេសឥណ្ឌូនេស៊ី ពេលនេះបាននាំមកនូវចំនួនអ្នកឆ្លងនៅក្នុងប្រទេសសរុបមានចំនួន ២,៤៩១ នាក់ ខណៈដែលមានអ្នកស្ លាប់ចំនួន ២០៩ ដោយសារវីរុសនេះ ជាហេតុធ្វើឱ្យប្រទេសឥណ្ឌូនេស៊ីក្លាយជាប្រទេសដែលមានចំនួនអ្នកស្លា ប់ខ្ពស់បំផុតនៅអាស៊ីក្រៅពីប្រទេសចិន។

ការកើនឡើងការស្លា ប់នៃចំនួនគ្រូពេទ្យ ដោយសារតែការកង្វះឧបករណ៍ការពារសម្រាប់គ្រូពេទ្យជំនាញថែទាំសុខភាពរបស់អ្នកឆ្លងជំងឺនៅក្នុងប្រទេសឥណ្ឌូនេស៊ី។ លោក Halik Malik អ្នកនាំពាក្យសមាគមន៍គ្រូពេទ្យឥណ្ឌូនេស៊ីដែលបានបញ្ជាក់ពីការស្លា ប់របស់ក្រុមគ្រូពេទ្យបាននិយាយថាទំនោររបស់គ្រូពេទ្យដែលបានស្លា ប់នៅក្នុងប្រទេសកំពុង“ ឈានទៅរកហានិភ័យខ្ពស់” ។

លោកបានមានប្រសាសន៍ថា“ ហានិភ័យនៃបុគ្គលិកពេទ្យដែលឆ្លងជំងឺគឺតែងតែមាន…ប៉ុន្តែចំណុចសំខាន់គឺបុគ្គលិកពេទ្យត្រូវតែមានការការពារតាមគ្រប់វិធីសាស្ត្រ សម្រាប់គ្រូពេទ្យទាំងអស់” ។

នេះជាការពិតដែលលោកប្រធានាធិបតីJoko Widodo បានថ្លែងក្នុងកិច្ចប្រជុំគណៈរដ្ឋមន្រ្តីថាឧបករណ៍ការពារផ្ទាល់ខ្លួន (PPE) ត្រូវបានចែកចាយពាសពេញប្រទេសសម្រាប់ប្រជាជននិងផ្គត់ផ្គង់មន្ទីរពេទ្យ ទោះបីជាវាអាស្រ័យលើមន្ត្រីក្នុងតំបន់ដើម្បីតាមដានការមកដល់នៃស្តុកនៅក្នុងមន្ទីរពេទ្យក៏ដោយ។ ទន្ទឹមនឹងនេះទីភ្នាក់ងារស៊ើបការណ៍សម្ងាត់របស់ឥណ្ឌូនេស៊ីរំពឹងថាករណីឆ្លងជាង ១០០.០០០ ករណីនឹងត្រូវបានរកឃើញនៅក្នុងប្រទេសឥណ្ឌូនេស៊ីនៅខែកក្កដានេះខណៈដែលវីរុសនេះនៅតែហក់ឡើងក្នុងរយៈពេល ៣ ខែខាងមុខនេះ។យើងសូមចូលរួមមរណទុក្ខជាមួយក្រុមគ្រួសារនៃស ពហើយសង្ឃឹមថាស្ថានភាពនៅឥណ្ឌូនេស៊ីនៅតែបន្តមានភាពប្រសើរឡើង។

ប្រភពWorldofbuzz 

សម្រួលអត្ថបទដោយ៖SOEUR