ទីក្រុងចាកាតា៖ ដោយសារចំនួនអ្នកស្លា ប់ពិតប្រាកដដែលបណ្តាលមកពីការឆ្លងវីរុស នៅប្រទេសឥណ្ឌូនេស៊ីមានការកើនឡើងច្រើនធ្វើឱ្យតម្រូវការនូវការប្រើប្រាស់ក្ដារមឈូសសម្រាប់យកទៅដាក់សពរបស់អ្នកជំងឺមានការខ្វះខាតជាខ្លាំង។

ក្រុមហ៊ុនធ្វើក្ដារមឈូសឈើ Sahroni នៅភាគខាងកើតនៃរដ្ឋធានីចាកាតាបាននិយាយថា ជាធម្មតាយើងលក់មឈូសពី ៥ ទៅ ៧ ក្នុងមួយថ្ងៃប៉ុន្តែឥឡូវនេះការផលិតក្ដារមឈូសវាមានការកើនឡើងរហូតដល់ ២០ ទៅ ៣០ មឈូសក្នុងមួយថ្ងៃហើយត្រូវចំណាយពេលរហូតទៅដល់១៦ម៉ោងក្នុងមួយថ្ងៃ សម្រាប់ទីកន្លែងបញ្ចុះសព Pondok Kelapa ម៉ោងធ្វើការរបស់យើងឥឡូវនេះគឺចាប់ពីព្រឹកដល់ពាក់កណ្តាលអធ្រាត្រ"។ហើយក្ដារមឈូសនីមួយៗត្រូវបានលាបពណ៌ស្រស់ៗខណៈដែលនៅខាងមុខនៃមឈួសមានដាក់ឈើឆ្កាងពណ៌សស្ងួត ដាក់ភ្ជាប់នៅក្រោមពន្លឺព្រះអាទិត្យអេឡិចត្រូនិច ផងដែរ។

ក្រុមហ៊ុនធ្វើក្ដារមឈូស Sahroni ជាធម្មតាកន្លែងមួយនេះជាកន្លែងឯកទេសខាងក្ដារមឈូសសម្រាប់ជនជាតិភាគតិចគ្រឹស្តសាសនិកឥណ្ឌូនេស៊ីប៉ុន្តែពេលនេះឃ្លាំងមួយនេះផ្តល់ក្ដារមឈូសសម្រាប់និកាយទាំងអស់រួមទាំងប្រជាជនម៉ូស្លីមដែលជាធម្មតាសពអ្នកជំងឺដែលស្លាប់ដោយសារវីរុសកូវីដ១៩ត្រូវបានគេ រុំព័ទ្ធនៅក្នុងស្បោង បន្ទាប់ពីបញ្ចុះទៅក្នុងដី ។

ក្រុមហ៊ុន Sahroni បានបើកឃ្លាំងស្តុកធ្វើមឈូសចាស់មួយនៅកោះចាវ៉ាខាងលិចដែលជាខេត្តមានប្រជាជនច្រើនបំផុតរបស់ឥណ្ឌូនេស៊ីបានចាប់ផ្តើមធ្វើក្ដារមឈូសបន្ថែមទៀតជាមួយតម្លៃថោកជាងមុននិងបរិច្ចាគមឈូសចំនួន ១០០០ ដល់មន្ទីរពេទ្យ ហើយឥលូវនេះខាងឃ្លាំងផលិតក្ដារមឈូសមួយនេះកំពុងតែត្រៀមខ្លូនក្នុងការបង្កើនការផលិតយ៉ាងខ្លាំងដើម្បីឱ្យទាន់ពេលវេលា។

គិតត្រឹមថ្ងៃពុធប្រទេសឥណ្ឌូនេស៊ីបានរកឃើញករណីនៃការឆ្លងជិត ៣.០០០ ករណីនិងបានរាយការណ៍ថាមានអ្នកស្លាប់ចំនួន ២៤០ នាក់បន្ថែមទៀត។ ប៉ុន្តែអ្នកជំនាញសុខភាពសាធារណៈនិងអ្នកជំនាញខាងរោគរាតត្បាតបានចង្អុលបង្ហាញពីប្រេកង់ទាបនៃការធ្វើតេស្តនិងអត្រាមរណភាពខ្ពស់ដែលបង្ហាញថាអត្រាឆ្លងពិតទំនងជាខ្ពស់ជាងនេះ។

ទិន្នន័យដែលទទួលបានដោយសារព័ត៌មានរ៉យទ័របានបង្ហាញថាមានការបញ្ចុះសពជិត ៤៤០០ នៅក្នុងទីក្រុងចាកាតាក្នុងខែមីនានេះដែលជាការកើនឡើង ៤០ ភាគរយបើប្រៀបធៀបទៅនឹងខែណាៗទាំងអស់ក្នុងរយៈពេលពីរឆ្នាំកន្លងមកហើយសញ្ញានៃការស្លាប់ដោយសារវីរុសនេះអាចខ្ពស់ជាងការរាយការណ៍ជាផ្លូវការ។

អ្នកដែលទទួលខុសត្រូវក្នុងការដឹកជញ្ជូនជនរងគ្រោះដោយសារជំងឺឆ្លងវីរុសទៅកន្លែងបញ្ចុះសពរបស់ពួកគេក៏កំពុងតែដោះស្រាយជាមួយនឹងការឆ្លងរាលដាលនៃជំងឺរាតត្បាតនេះដែរ។

អ្នកបើកបររថយន្តសង្គ្រោះបន្ទាន់នៅមន្ទីរឧទ្យាននិងទីបញ្ចុះសពទីក្រុងស៊ូយ៉ាទីបាននិយាយថា“ យើងបានបញ្ចុះសាក សពមិនឈប់រហូតដល់ម៉ោង ១០ យប់ហើយយើងបន្តនៅដដែលនៅពេលព្រឹក” ។

ទិន្នន័យពីការិយាល័យអភិបាលក្រុងហ្សាការតាបានបង្ហាញបន្ថែមទៀតថាមនុស្សជាង ៤៣៨ នាក់ត្រូវបានគេបញ្ចុះ ចន្លោះពីថ្ងៃទី ២ ខែមីនាដល់ថ្ងៃទី ៦ ខែមេសាទោះបីចំនួនអ្នកស្លា ប់ថ្នាក់ជាតិមានចំនួនតិចជាងពាក់កណ្តាលក៏ដោយ ក្នុងករណីខ្លះជនរងគ្រោះដែលសង្ស័យថាឆ្លងជំងឺនេះបានស្លាប់មុនពេលមានលទ្ធផលតេស្តជាដើម៕ ប្រភពCNA

សម្រួលអត្ថបទដោយ៖SOEUR.