កាលពីថ្ងៃម្សិលមិញនេះ មានដំណឹងដ៏ក្រៀមក្រំមួយបានកើតឡើង ធ្វើឲ្យមហាជន ក៏ដូចជាសាច់ញាតិ​ ក្រុមគ្រួសារ មានការសោកស្តាយនិងសោកសង្រែងយ៉ាងខ្លាំង បន្ទាប់ពីទទួលដំណឹងដ៏ក្រៀមក្រំមួយនេះ នៅក្នុងពេលដែលមានសាច់ញាតិម្នាក់​ ត្រូវបានសា ប់បាត់បង់ជីវិតដោយគ្រោះធម្មជាតិ ផ្ទរ រន្ទះ។

ដំណឹងដ៏ក្រៀមក្រំសោកសៅមួយនេះ បានធ្វើឲ្យមហាជន មានអារម្មណ៍តក់ស្លុតជាខ្លាំង ព្រោះតែគាត់គឺជាមនុស្សល្អម្នាក់ ហើយត្រូវមករងគ្រោះបែបនេះ។ 

ជាក់ស្តែងនៅក្នុងគណនីហ្វេសប៊ុកមួយដែលមានឈ្មោះថា Somath Hon បានបង្ហោះសារថា "ដំណឹងមរណ:ភាព យើងខ្ញុំជាក្រុមគ្រួសារនៃស ព មានទុក្ខយ៉ាងក្រៀមក្រំដោយលោក សៀក ជីឆូវ បានទទួលមរណ ភាពនៅវេលាម៉ោង ១៦និង៣០ នាទី ល្ងាចថ្ងៃទី 06.07.2020 ដោយផ្គរន្ទះ ក្នុងអាយុ 32 ឆ្នាំ ដំណឹងនេះទុកជាការអញ្ជើញ ញាតិមិតឆ្ងាយចូលរួមដោយក្ដីអនុគ្រោះ"។

គួរបញ្ជាក់ថា  កាលពី​វេលា​ម៉ោង៥​ល្ងាច​ថ្ងៃ​ទី​៦ ខែកក្កដា ឆ្នាំ​២០២០ មានករណីរន្ទះបា ញ់ បណ្តាល​ឲ្យ បុរស​២​នាក់​បាន​បាត់បង់ជីវិត​ ចំណែកបុរស​​៣នាក់ផ្សេង​ទៀត​រួចផុតពីគ្រោះថ្នាក់ ខណៈ​​​អ្នកទាំង​​៥កំពុង​ជ្រក​ភ្លៀង​ក្នុង​រោង​កន្លែង​ពុះ​ដី​ឡូ​តិ៍លក់​នៅ​ចំណុច​ខាងក្រោយ​សាលា​សន្ត​វី​យេ ស្ថិត​ក្នុងភូមិ​ទឹកថ្លា សង្កាត់​ទឹកថ្លា ក្រុង​សិរី​សោភ័ណ ខេត្តបន្ទាយមានជ័យ ។​

ជនរងគ្រោះមាន​ឈ្មោះ សៀ​ក ជី​ឆូវ ភេទ​ប្រុស រស់នៅ​ភូមិ​គាប សង្កាត់​ទឹកថ្លា ក្រុង​សិរី​សោភ័ណ និង​​ម្នាក់​ទៀត​ឈ្មោះ យ៉ាង លី ភេទ​ប្រុស រស់នៅ​ភូមិ​៤ សង្កាត់​ព្រះ​ពន្លា ក្រុង​សិរី​សោភ័ណ ខេត្តបន្ទាយមានជ័យ ជា​អ្នក​ប្រកប​អាជីវកម្ម​ពុះ​ដី​ឡូត៍​លក់​។ រីឯបុរស​៣នាក់​ផ្សេងទៀត​ដែលមិនមានរងគ្រោះថ្នាក់ មិនស្គាល់អត្ត​សញ្ញាណនោះទេ ។