ព្រៃវែង ៖ នៅកាលពីថ្មីៗនេះមានការភ្ញាក់ផ្អើលយ៉ាងខ្លាំងបន្ទាប់ពីមន្ដ្រី​ស៊ីម៉ាក់កម្ពុជាហៅកាត់ថា CMAC​បាន​ចុះទៅដល់ទីតាំងមួយកន្លែង ដែលស្ថិតនៅក្នុង​វិទ្យាល័យ​ ជា​ស៊ីម​ រក្សជ័យ​ ស្រុក​បាភ្នំ​ ខេត្ត​ព្រៃវែង ក្រោយទទួលបានដំណឹងថា សាលារៀននេះបានប្រើប្រាស់សម្បកគ្រាប់ខ្នាតយក្សមួយគ្រាប់មកធ្វើជាជួងសម្រាប់វា យបន្លឺសំឡេងនៅក្នុងសាលា។

ចំពោះករណីខាងលើនេះត្រូវគណនីហ្វេសប៊ុកផេកដែលមានឈ្មោះថា HENG Ratana បានធ្វើការបង្ហោះរៀបរាប់ឲ្យដឹងថា ៖ ឈប់លឺសំលេងជួងគ្រាប់បែកទៀតហេីយ​ ថ្ងៃទី១៥​ ខែកក្កដា​ ឆ្នាំ២០២០នេះ​ ដកហូតបានសំរេច! សូមអរគុណលោកនាយកសាលានិងប៉ូលីសមូលដ្ឋានចូលរួមសហការ! និងសូមអរគុណលោកម្ចាស់fab​ account ឈ្មោះAngkor Thom ដែលបានផ្តល់ពត៌មាននេះ។

យ៉ាងណាមិញ គ្រាន់តែបានទទួលដំណឹងមួយនេះភ្លាម អគ្គនាយកមជ្ឈមណ្ឌលកម្ចាត់មីនស៊ីម៉ាក់​ និងក្រុម​មន្ត្រី​ជំនាញ​របស់​ស៊ីម៉ាក់​បាន​ចុះទៅដោះជួង​គ្រាប់​បែក​នោះចេញដោយសុវត្ថិភាព​ផងដែរ៕