ភ្នំពេញ​៖ មនុស្ស​ទាំងអស់​នៅលើ​ពិភពលោក​នេះ សុទ្ធតែ​ចង់បាន​ជោគជ័យ​ក្នុង​កិច្ចការ ​និង​ក្នុង​ការរស់នៅ​របស់ខ្លួន បើទោះបី​ការងារ​នោះ​ប្រភេទ​ណា និង ការរស់នៅរ​បៀ​ណាក៏ដោយ​។ ក៏ប៉ុន្តែ មនុស្ស​ទាំងអស់ មិនមែន​សុទ្ធតែ​ទទួលបាន​ជោគជ័យ​នោះទេ តែយើងត្រូវតែតស៊ូ ដូច្នោះទៅនឹង លោកតាម្នាក់ មានវ័យចាស់ជរាទៅហើយ ហើយជើងរបស់គាត់ហាក់មានរបួសថែមទៀតផង ដោយគាត់បានប្រកបមុខរបរ ដើរលក់បន្ដោងសោរ នៅផ្សារទំនើបមួយកន្លែង ក្នុងរាជធានីភ្នំពេញ ស្ថិតនៅក្រោមពន្លឺនៃរាត្រី ដោយមិនលើកដៃសំពះ សុំលុយពីអ្នកដំណើរនៅទីកន្លែងនោះឡើយ។ 

នេះបើយោងតាមគណនីហ្វេសប៊ុកឈ្មោះ Bun Seng បានបង្ហោះចូលក្នុងហ្វេសប៊ុករបស់គាត់ថា ដំបូងឃើញគាត់អង្គុយនៅនោះអត់ចាប់អារម្មណ៍គាត់ទេតែពេលចេញពី Lucky ទិញឥវ៉ាន់លើងម៉ូតូរៀបចេញ គាត់ក៏ដើរមកច្របាច់បន្តោងសោរ បីបប៉ប់ៗហើយគាត់និយាយថា ជួយទិញតាមួយទៅ គ្រាន់បានលុយទិញបាយហូបនឹកឃើញឪគេឪយើង ឪយើងលែងនៅហើយ ក៏ដក៥,០០០៛ ជួយទិញគាត់មួយទៅ ( មួយ ៣,០០០៛)គាត់ចាស់តែគាត់មិនលើកដៃសំពះសុំលុយទេ ។មកដល់ផ្ទះមើលរូបថតបានដឹងជើងគាត់ដូចមានរបួស។ ទីតាំង : Lucky Super Market CityMall

ក្រោយពីឃើញបងប្រុសខាងលើបង្ហោះដូច្នោះភ្លាម ក៏នាំគ្នាចាប់អារម្មណ៍សួរទីតាំង ហើយចង់ជួយទិញលោកតាគ្រប់គ្នា នេះសបញ្ជាក់ថា ខ្មែរស្រលាញ់ខ្មែរ ជួយគ្នាក្នុងគ្រាលំបាក៕