សំរាមគឺជាបញ្ហាដ៏ធំមួយសម្រាប់ការអភិវឌ្ឍន៍ប្រទេសជាតិ ព្រោះសំរាមវាមិនអាចរលាយនៅក្នុងឆាប់ៗដែល ទាល់តែរាប់រយ ពាន់ឆ្នាំ មិនដឹងថារលាយឬ ក៏អត់ផង ដូចនេះសូមបងប្អូនចូលរួមសំអាត និងមានអនាម័យ ជានិច្ច ធ្វើការវេចខ្ចប់សំរាមឲ្យបានល្អ ទុកដាក់ឲ្យមានសណ្តាប់ធ្នាប់ ទើបធ្វើឲ្យប្រទេសមួយនេះ កាន់តែស្រស់ស្អាត និងមានភ្ញៀវទេសចរណ៍មកកាន់តែច្រើន។
ដោយឡែកនៅថ្ងៃនេះ នៅក្នុងគណនីហ្វេសប៊ុករបស់ឯកឧត្តមគួច ចំរើន អភិបាលខេត្តព្រះសីហនុ បានបង្ហោះរូបភាពជាមួយនឹងសារ ថា "សំរាម អ្នកណាក៍ស្អប់សំរាមដែរ ។ ភ្លៀងមួយមេ សំរាមអណ្ដែតមកយ៉ាងនេះ ។ ក្រុមការងារ ខិតខំស្រង់កេីបកាយដឹកចេញ បេីខកខាន គេស្ដីបន្ទោស ហេីយបំភ្លេចអ្នកបោះសំរាមទៅបាត់ ។ អ្នកបោះរួចខ្លួនរហូត តែអ្នកកេីប បេីខកខានមួយពេលគឺ ត្រូវហេីយ ។ មិនទាមទារយុត្តិធម៏ទេ តែសុំអោយអាណិតអ្នកកេីបផង" ។
ទន្ទឹមនឹងនេះ សូមបងប្អូនជនរួមជាតិ មេត្តាជួយធ្វើការសំអាត និងមានអនាម័យទាំងអស់គ្នា ដើម្បីធ្វើឲ្យប្រទេសជាមួយនេះ កាន់តែល្អប្រសើរឡើង និងកំចាត់សម្រាមចេញពីប្រទេសយើងទាំងអស់គ្នា៕
