លោកគ្រូ ព្រឹទ្ធាចារ្យ វិជ្ជាធម្មគរុ បណ្ឌិត ទេព ផុន មរតកមនុស្សរស់ បានទទួលមរណភាពនៅថ្ងៃអាទិត្យ ម្សិលមិញ។ សម្ដេចព្រះអគ្គាធិការ ព្រះអគ្គាធិការរង និងព្រះមន្ត្រីសង្ឃ មន្ត្រីរាជការ នៃអគ្គាធិការដ្ឋានពុទ្ធិកសិក្សាជាតិ បានអោយដឹងថាលោកគ្រូ ព្រឹទ្ធាចារ្យ វិជ្ជាធម្មគរុ បណ្ឌិត ទេព ផុន មរតកមនុស្សរស់ បានទទួលមរណភាព នៅថ្ងៃអាទិត្យ ៦កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៦ ខែកក្កដា ឆ្នាំ២០២០ វេលាម៉ោង ៣និង២០ នាទី រសៀល ក្នុងជន្មាយុ ៨២ ឆ្នាំ ដោយជរាពាធ។
ស ពបានតម្កល់ធ្វើបុណ្យតាមប្រពៃណីព្រះពុទ្ធសាសនា នៅភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល។
នេះពិតជារឿងមួយដែលគួរឲ្យសោកស្តាយ ជាខ្លាំង ពេលបានទទួលដំណឹងមរណ ភាព របស់ លោកគ្រូ ព្រឹទ្ធាចារ្យ វិជ្ជាធម្មគរុ បណ្ឌិត ទេព ផុន ។ កូនចៅ ព្រមទាំងសាច់ញាតិ ពិតមានទុក្ខយ៉ាងក្រៀមក្រំពេលបានទទួលដំណឹងមរណភាពរបស់ លោកគ្រូ ព្រឹទ្ធាចារ្យ វិជ្ជាធម្មគរុ បណ្ឌិត ទេព ផុន។ សូមឲ្យវិញ្ញាណក្ខន្ធ លោកគ្រូ ព្រឹទ្ធាចារ្យ វិជ្ជាធម្មគរុ បណ្ឌិត ទេព ផុន ទៅកាន់សុគតិភព៕
ប្រភព៖ PNN News
