ភ្នំពេញ ៖ ប្រិយមិត្តច្បាស់ជាបានស្គាល់ហើយថាអ្នកស្រី ទ្រី ដាណា គឺជានារីម្នាក់ដែលមានចិត្តសប្បុរស និងជ្រះថ្លាខ្លាំងណាស់ អ្នកស្រីតែងតែជួយរំលែកទុក្ខលំបាកទៅដល់ប្រជាពលរដ្ឋមួយចំនួនតាមរយៈការផ្តល់ជាជំនួយដូចជា ថវិកា និង មុខរបររកសុីជាដើម ។
យ៉ាងណាមិញថ្មីៗនេះឃើញថាអ្នកស្រី ទ្រី ដាណា បានធ្វើឲ្យមហាជនជាច្រើនបានការភ្ញាក់ផ្អើលក្រោយលេចវត្តមានរបស់កូនស្រីច្បងរបស់អ្នកស្រីនៅក្នុងការធ្វើសប្បុរសមួយដែលមានការខុសប្លែកពីរាល់ដងព្រោះអីរាល់ដងមានតែអ្នកស្រីនិងប្តីទេដែលចុះទៅជួយផ្ទាល់ដល់ប្រជាពលរដ្ឋក្រីក្រមួយចំនួននៅតាមបណ្តាខេត្តនាៗ ។
នេះបើយោងទៅតាមការបង្ហោះចេញពីគណនីហ្វេសប៊ុកផេករបស់អ្នកស្រីផ្ទាល់បានធ្វើការបង្ហោះឲ្យដឹងថា ៖ ខ្ញុំមិនដឹងនិយាយម៉េចឱ្យត្រូវទេ ចង់ស្រក់ទឹកភ្នែកតាមគាត់ ជូនថវិកាគាត់ខ្លះ គាត់យំ គាត់ថាមិនដែលស្គាល់ មិនដែលកាន់លុយប៉ុណ្ណឹងទេ តាំងពីកើតមក។ លោកយាយនៅស្រុកកណ្ដាលស្ទឹង ខេត្តកណ្ដាល ពិកាភ្នែកទាំងសងខាង។
ខ្ញុំមិនសូវដឹងច្បាស់ទេ តែសួរអ្នកភូមិ ថាគាត់នៅតែម្នាក់ឯង គ្មានកូនចៅទេ។ ឱលោកយាយអើយ ជីវិតចុងក្រោយ ហេតុអីលំបាកយ៉ាងនេះ។ មើលឃើញកូនខ្ទមគាត់ ពិតជាកម្សត់ណាស់។ ខ្ញុំក៏មិនដឹងថាគាត់រស់នៅយ៉ាងម៉េចដែរ ហើយអំណោយនេះ ប្រគល់ជូនគាត់ ផ្ដាំអ្នកជិតខាងជួយមើលគាត់ សង្ឃឹមថាអាចជួយសម្រួលគាត់បានមួយរយៈដែរ។ ជីវិតគឺបែបនេះ ឃើញហើយ ខ្លោចចិត្ត ។
ជាមួយគ្នានេះដែរបន្ទាប់ពីបានឃើញដូច្នេះហើយបានធ្វើឲ្យមហាជនជាច្រើនបានសម្តែងអារម្មណ៍សប្បាយចិត្តខ្លាំងមែនទែន ចំពោះការជួយរបស់អ្នកស្រី ទ្រី ដាណា ទៅកាន់អ៊ំស្រីម្នាក់ដែលជាជនក្រីក្រ និងកំពុងតែលំបាកខ្វះខាតខ្លាំង គ្មានកូនគ្មានចៅជាទីពឹងគឺរស់នៅម្នាក់ឯងគត់ មហាជនក៏បានលើកសរសើរទៅដល់កូនរស្រីរបស់អ្នកស្រីផងដែរថា មានរូបសម្រស់ស្រស់ស្អាតខ្លាំងណាស់មិនចាញ់ម្តាយទេ មិនត្រឹមតែប៉ុណ្ណោះនាងមានចរិកលក្ខណៈសុភាពរាបសារគួរឲ្យស្រឡាញ់ខ្លាំងណាស់ ៕
បើប្រិយមិត្តចង់ជ្រាបកាន់តែច្បាស់សូមទស្សនាវិដេអូនៅខាងក្រោមនេះទាំងអស់គ្នា ៖
