ទីបំផុត លោក ព្រាប សុវត្ថិ និយាយច្បាស់ៗ បញ្ជាក់ពីមូលហេតុ ដែលសម្រេចចិត្តចាកចេញពីហង្សមាសមកកាន់ផលិតកម្ម Galaxy Navatra..(មានវីដេអូ)

ប្រិយមិត្តជាច្រើនប្រាកដជាស្គាល់ តារាចម្រៀងលោក ព្រាប សុវត្ថិ ដែលបានប្រកាសខ្លួនចាកចេញពីផលិតកម្មហង្សមាស មកចុះកុងត្រាជាមួយផលិតកម្ម Galaxy Navatra រយៈពេល៥ឆ្នាំ ។ ដោយសារតែលោក ព្រាប សុវត្ថិ ជាកំពូលតារាចម្រៀងដ៏ល្បីនោះ ផលិតកម្ម Galaxy Navatra បានធ្វើពិធីស្វាគមន៍ដ៏អធិកអធ័ម កាលពីថ្ងៃទី២៦ ខែ សីហា ឆ្នាំ២០២០ នៅសណ្ឋាគា Gardan City ជិតវិមានឈ្នះឈ្នះ។

ជាការពិតណាស់ ការរៀបចំទទួលស្វាគមន៍តារាចម្រៀង ព្រាប សុវត្ថិ មកកាន់ផលិតកកម្មរបស់ខ្លួននៅពេលនេះ, Galaxy Navatra បានរៀបចំជាទ្រង់ទ្រាយធំមិនធ្លាប់មានពីមុនមក ខណៈដែលតារាចម្រៀងនានា នៅពេលចូលទៅក្នុងផលិតកម្មផ្សេង គឺពុំមានការរៀបចំទទួលធំដុំបែបនេះឡើយ។

យ៉ាងណាមិញ លោក ព្រាប សុវត្ថិ នៅក្នុងសន្និសីទកាសែតត្រូវបានគេសួរសំនួរជាច្រើនទៅកាន់លោក ដោយបានបញ្ជាក់ថា លោកបានឈានជើងចូលផលិតកម្មហង្សមាសតាំងពីឆ្នាំ១០៩៧ រហូតដល់ពេលនេះ មានរយៈពេល២៣ឆ្នាំហើយ ហើយក៏មានមនុស្សភាគតិចដែរ ដែលនៅបានយូរបែបនេះនោះ។

នៅក្នុងឱកាសនោះ លោកក៏បានរំលឹកពីភាពជោគជ័យនៅផលិតកម្មហង្សមាស ហើយបន្សល់ទុកនូវ អនុស្សាវរីយយ៉ាងល្អជាច្រើនជាមួយគ្នា ដែលមិនអាចបំភ្លេចបាន។ ដូច្នេះការ ចាកចេញរបស់របស់លោក មានតែស្នាមញញឹម មានក្ដីរំភើប និងក្ដីសប្បាយ ក្នុងនោះលោកក៏បានអរគុណដល់ផលិតកម្មហង្សមាស និងរៀបរាប់ពីបុគ្គលមួយចំនួន ដែលលោកបានអរគុណផងដែរ។