ទោះមិនសូវមានរូបភាពផ្អែមល្ហែម តែលើកនេះ ​សុគន្ធ នីសា សប្បាយចិត្ត ពេលដឹកដៃទៅ​វត្ត​ជាមួយ​នឹងស្វាមីជាលើកដំបូង​...
សីហា
- 1500

ប្រិយមិត្តបងប្អូនជាច្រើនបានស្គាល់ហើយ តារា​ចម្រៀងប្រចាំផលិតកម្មហង្សមាស ​សុគន្ធ នីសា ក្រោយពីរៀបការជាមួយលោក ចៅ សម្បត្តិ ដែលជាអ្នកមានទ្រព្យស្តុកស្តម្ភ និងជាម្ចាស់ភាគហ៊ុនធំនៃក្រុមហ៊ុនធានារ៉ាប់រងជីវិត MenuLife ដែលជាអានិកជនខ្មែររស់នៅអាមេរិក បានរៀបការកាលពី​ថ្ងៃ​ទី​០១ ខែ​ធ្នូ ឆ្នាំ​២០១៧​ ហើយត្រូវបានរៀបចំនៅសណ្ឋាគារលំដាប់ផ្កាយប្រាំ សូហ្វីតែល ភូគីត្រា ​ក៏បានអញ្ជើញ​ភ្ញៀវកិត្តិយស​ជាច្រើន និងពិសេស​អ្នក​សិល្បៈ​ចូលរួម​ផង​ដែរ។ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ក្នុងនោះដែរ សុគន្ធ នីសា ហាក់បីដូចជាមិនសូវបង្ហាញរូបភាពផ្អែមល្ហែមប៉ុន្មាននោះទេ ដែលធ្វើឲ្យអ្នកគាំទ្រមានការងើងឆ្ងល់ តែអ្វីៗត្រូវបានទម្លាយជាសាធារណៈ​ ដោយ អ្នកនាង សុគន្ធ នីសា បានប្រាប់ទៅអ្នកគាំទ្រវិញថា វាជាទម្លាប់​គ្រួសារ​នី​មួយៗ​ខុសគ្នា​ មិនសូវ​ផ្អែមល្ហែម​ តែគ្រួសារមានសុភមង្គល។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​ដោយឡែក​នៅថ្ងៃនេះ ថ្ងៃកាន់បិណ្ឌ ១២ នេះ គឺចំថ្ងៃច័ន្ទ ដែលមានបងប្អូនជាច្រើន បានសម្រុកទៅស្រុកកំណើត និងមានអ្នកខ្លះទៀត ក៏បានរៀបចំចង្ហាន់ ទៅប្រគេនព្រះសង្ឃ នៅតាមវត្តអារាមនានា ដើម្បីឧទ្ទិសកុសល ក៏ដូចជា ការសាងកុសលផលបុណ្យដល់ខ្លួនឯង និងក្រុមគ្រួសារដែលបានស្លាប់ទៅ។​​​​​​​​​​​​​​​​​​​​​​​​​​​​​​​​

យ៉ាងណាមិញ ងាកមកមើល អ្នកនាង សុគន្ធ នីសា ទោះបីជាមិនសូវបញ្ចេញរូបភាពផ្អែមល្ហែមក៏ពិតមែន តែមិនដែលឮដំណឹងអ្វីឡើង ថែមទាំង ណ្ឌ ១២ នេះ បានដឹកដៃក្រុមគ្រួសារ និងស្វាមីរបស់នាង ទៅវត្តជុំគ្នា ដែលម្នាក់ៗស្ថិតក្នុងទឹកមុខ​ញញឹមញញែម​ ហើយអ្នកនាងក៏បាន បង្ហោះសារអមជាមួយរូបភាពថា “សូមអនុមោទនាបុណ្យកុសលទាំងអស់គ្នា​ សូមជូនពរពុកម៉ែបងប្អូន​ អោយសុខចម្រេីនទាំងអស់គ្នា”។

គួរបញ្ជាក់ថា ពួកគេបានរៀបការជាមួយគ្នា​​មាន​រយៈពេល​៣​ឆ្នាំ​ហើយ​ អ្នកនាង​មិនទាន់​លិចឮ​ដំណឹង​ល្អ​នៅឡើយ​ទេ ខណៈ​អ្នក​រៀបការ​ក្រោយៗ​រូប​នាង ​ដូច​ជា​អ្នកនាង ឱក សុគន្ធកញ្ញា ​និងអ្នកនាង សួស វីសា ជាដើម​នោះ ​គេ​មាន​កូនគ្រប់គ្នាហើយ៕​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​