ស្វីតឥតល្ហើយ! បទនេះហើយ ដែលធ្វើឲ្យ នាយ ចឺម ស្រលាញ់ សុឃីម កាន់តែខ្លាំងឡើង និងតែងតែ បង្ហោះរូបកៀកកើយគ្នា…

កម្សាន្ត៖ តារាចម្រៀងប្រចាំផលិតកម្ម សាន់ដេ លោកសុខ មេសា ហៅ នាយចឹម ហើយមែនទេ ថាលោ កគឺជាតារាចម្រៀងប្រុសម្នាក់ដែលកំពុងតែទទួលបានការគាំទ្រយ៉ាងខ្លាំងពីសំណាក់មិត្តៗយុវវ័យតាមរយៈបទចម្រៀងនិងទេពកោសល្យនៅក្នុងផ្នែកសិល្បៈរបស់លោកដែលមានតាំងពីកំណើតផងនោះ ទើបធ្វើឲ្យពេលនេះនាយចឺម មានភាពល្បីល្បាញខ្លាំងនៅក្នុងពេលបច្ចុប្បន្ន។

យ៉ាងណាមិញថ្មីៗនេះនាយ ចឺម បានសាងភាពភ្ញាក់ផ្អើលដល់មហាជនយ៉ាងខ្លាំងគឺលោកបានបង្ហាញមុខគូស្នេហ៍ថ្មីម្នាក់ទៀតហើយ ដែលមានឈ្មោះថាកញ្ញា សេង សុឃីម ហើយគូស្នេហ៍ក្រោយរបស់នាយចឺម នេះគឺថាមានរូបសម្រស់ស្រស់ស្អាតមិនចាញ់គូស្នេហ៍មុនៗរបស់លោកឡើយ ។

ទន្ទឹមនឹងនេះដែរ បើយើងក្រលេកមើល ចម្រៀងមួយបទ ដែលមានចំណងជើងថា ថ្លៃទឹកដោះ បងប្អូនប្រិយមិត្តប្រាកដជាបានដឹងហើយថា បទនេះកំពុងតែត្រូវចិត្តយុវវ័យ ក្នុងនោះក៏មានការសម្តែង នាយ ក្រូច ស្រី អ៊ុីត ពូ ណុយ និងជាពិសេសនោះ គឺគូស្នេហថ្មីថ្មោង នាង សេង សុឃីម ដែលត្រូវជាសង្សារនាយ ចឺម សព្វថ្ងៃនេះ យើងមិនដឹងថា តើពួកគេនិងចាប់ដៃគ្នាចូលរោងការនៅពេលណានោះទេ៕