ត្រូវសើចឬយំ ? បុរសម្នាក់សុំមិត្ដស្រី រៀបការ នៅមុខប្រាសាទ Disneyland ស្រាប់តែមានបុរសម្នាក់រត់មកកញ្ឆក់យកចិញ្ចៀនទៅបាត់ ធ្វើឱ្យ....មានវីដេអូ!

កាលពីថ្ងៃទី 4 ខែមិថុនា ឆ្នាំ 2022 សារព័ត៌មាន Indy100 បានបង្ហាញឱ្យឃើញថា អ្នកប្រើប្រាស់សង្គមម្នាក់បានចែករំលែកវីដេអូឃ្លីបមួយនៅលើបណ្តាញសហគមន៍អនឡាញ Reddit ដែលបង្ហាញថាបុរសម្នាក់បានធ្វើឱ្យមានការភ្ញាក់ផ្អើលបានយកចិញ្ចៀនចេញមកលុតជង្គង់ហើយស្នើសុំមិត្តស្រីរបស់គាត់ដើម្បីរៀបការ។ នៅទីធ្លាខាងមុខប្រាសាទ Disneyland នៃទីក្រុងប៉ារីស ប្រទេសបារាំង ដោយបុរសនោះហៀបនឹងបំពាក់ចិញ្ចៀនឱ្យមិត្ដស្រីរបស់គាត់ឈ្មោះ Nod Seyes ទៅហើយស្រាប់តែលេចមុខបុរសម្នាក់ចេញមក។

ប៉ុន្តែ​ស្រប​ពេល​នោះ​ស្រាប់តែ​បុគ្គលិក​ប្រុស​ម្នាក់​បាន​ស្ទុះ​ចូល​កណ្តាល​រង្វង់​នៃអ្នកទាំងពីររវាងគូរស្នេហ៍មួយគូរនោះ ដោយបានធ្វើការឆក់យកប្រអប់ចិញ្ចៀន ពីដៃបុរសនោះ ហើយរត់ចុះមកក្រោមតាមជណ្ដើរយ៉ាងលឿន ព្រមទាំងបានលើកដៃឱ្យគូរស្នេហ៍មួយគូរនេះចុះមកក្រោម ដោយបាននិយាយថា មិនអនុញ្ញាតិឱ្យធ្វើការសុំរៀបការឬធ្វើអ្វីទាំងអស់នៅមុខប្រាសាទ Disneyland ដោយឱ្យពួកគេចេញពីទីធ្លាមួយនោះ។

មនុស្សម្នាដែលឈរមើលព្រមទាំងគូរស្នេហ៍មួយគូរនោះ ​មានការ​ភ្ញាក់ផ្អើល និង​ច្របូកច្របល់ជាខ្លាំង ដោយបុរសជាគូរស្នេហ៍រត់ចុះក្រោមតាមជណ្ដើរមកយកចិញ្ចៀនរបស់ខ្លួនវិញ ខណៈដែលបុគ្គលិកប្រុសដែលប្រចាំការនៅក្នុងប្រាសាទមួយនោះបានប្រគល់ចិញ្ចៀនមកឱ្យបុរសនោះវិញ ដោយបានធ្វើការនិយាយម្ដងទៀតថា ទីធ្លាខាងលើនៃប្រាសាទDisneyland មិនអនុញ្ញាតឱ្យធ្វើឡើងនោះឡើយ ព្រោះជាកន្លែងហាមប្រាម។

ក្រោយ​វីដេអូ​ឃ្លីប​នេះ​ត្រូវ​បាន​គេ​ចែក​រំលែក​បាន​ក្លាយ​ជា​បញ្ហា​ដ៏​គួរ​ឱ្យ​ភ្ញាក់​ផ្អើល អ្នក​និយម​លេង​អ៊ីនធឺណិត​ជា​ច្រើន​បាន​ចូល​មក​រិះគន់​ដោយ​និយាយ​ថា​យល់​ថា​បុគ្គលិក​ធ្វើ​តាម​កាតព្វកិច្ច។ ប៉ុន្តែ​ទង្វើ​ដែល​គាត់​ប្រព្រឹត្ត​ចំពោះ​គូស្នេហ៍​នេះ​គឺ​ ឈ្លើ យ​ ណាស់។ គាត់​អាច​ចូល​ទៅ​ប្រាប់ ឬ​ប្រាប់​ដោយ​គួរសម។ បើ​តំបន់​នោះ​ពិត​ជា​តំបន់​មានការហាមឃាត់ពិត​មែន។

សូមទស្សនាវីដេអូខាងក្រោម៖