ពិធីការិនីសាច់សខ្ចី ល្បីឈ្មោះ កញ្ញា ថន លក្ខិណា បានចូលប្រឡូកក្នុងវិស័យសិល្បៈជាយូរឆ្នាំមកហើយ ប៉ុន្តែប៉ុន្មានឆ្នាំចុងក្រោយមកនេះ ងារការមួយនេះ កាន់តែធ្វើឲ្យនាងមមាញឹក និង អភិវឌ្ឍសមត្ថភាពកាន់តែប្រសើរ។ មកដល់ពេលនេះពិធីការិនីរូបនេះ ពិតជាមមាញឹកយ៉ាងខ្លាំង មែនទែន។
ទោះបីជាពេលនេះ Cambodian Idol ឈានដល់រដូវកាលទី ៤ បានបញ្ចប់ហើយក្តី តែកញ្ញា ថន លក្ខិណា នៅតែបន្តការងារនេះយ៉ាងមមាញឹកកាន់តែខ្លាំងឡើង ចប់ពីការងារមួយចូលការងារមួយឥតឈប់ឈរ។ ដោយឡែកនៅថ្ងៃនេះគឺជាថ្ងៃបិណ្ឌទី ៥ហើយ កញ្ញា ថន លក្ខិណា និងក្រុមគ្រួសារក៏បានទៅវត្តដើម្បីសន្សំកុសល។
បន្ទាប់ពីវត្តវិញ កញ្ញា ក៏បានបង្ហោះសារលើបណ្តាញសង្គមហ្វេសប៊ុកថា "រីករាយបិណ្ឌ ៥ បាន ២ វត្តដែរ សូមជូនបុណ្យផងណាបងប្អូន" ។ គ្រាន់តែបានឃើញដូច្នេះ មិត្តភក្តិរួមអាជីព ក៏ដូចជាអ្នកលេងបណ្តាញសង្គមហ្វេសប៊ុក បានចូលខមិនថា "បងស្រី ក្រមុំ Grade A ស្អាតម្លឹងៗ, ស្អាតណាស់បងស្រី, ស្អាតណាស់បងស្រីអេាយតែបង្ហេាះរូបពេលណាខ្ញុំមេីលតែបងស្រីទេ។
អ្វីដែលគួរឲ្យចាប់អារម្មណ៍ជាងនេះទៀតនោះ គឺ នៅលើបណ្តាញសង្គមហ្វេសប៊ុកស្រាប់តែឃើញកញ្ញា ថន លក្ខិណា បានបង្ហោះរូបភាពមួយសន្លឹកទៀត ដែលរូបថតនោះកំពុងតែនៅលើគ្រែពេទ្យ ដែលធ្វើឲ្យអ្នកគាំទ្រ និងហ្វេន មានការភ្ញាក់ផ្អើលយ៉ាងខ្លាំង ពេលបានឃើញបែបនេះ ដោយកញ្ញា បានបង្ហោះសារថា "ប្រាប់ខ្លួនឯងថាហា មឈឺ ព្រោះមានកាងារជាច្រើនកំពុងរង់ចាំ" ។ ភ្លាមនោះក៏មានបងប្អូនសួរកញ្ញា ថា កើតអីបង? ជាមួយគ្នានោះ កញ្ញា ថន លក្ខិណា បានប្រាប់វិញថា " គ្រុន " ទន្ទឹមនឹងនោះ ក៏មានបងប្អូនចូលខមិនជូនឲ្យកញ្ញា ឆាប់ជាសះស្បើយផងដែរ៕
