រលំបាក់ដំបូលក្លឹបរាត្រីដូមីនិចកេន ចំនួនអ្នកស្លា.ប់កើនឡើង ១៨៤នាក់ហើយ ស្លាប់ច្រើនជាងរលំអាគា៣០ជាន់ ដោយរញ្ជួយដីនៅថៃទៀត

យោងតាមសារព័ត៌មាន CNN ចេញផ្សាយនៅថ្ងៃទី៩ ខែមេសា បានឲ្យដឹងថា ដំបូលក្លឹបរាត្រី Jet Set បានបាក់រលំនៅ Santo Domingo សាធារណរដ្ឋដូមីនីកែន យ៉ាងហោចណាស់មនុស្ស ១៨៤ នាក់បានស្លា.ប់ រួមទាំងអតីតកីឡាករ Baseball នៃ Major League ពីរនាក់ផងដែរ សាកសពជាច្រើនដែលកកាយចេញពីគំនរអាគាក្លឹបមិនទាន់ត្រូវបានកំណត់អត្តសញ្ញាណនៅឡើយ។

គេ​បាន​រាយការណ៍​ថា​អ្នក​នៅ​រស់​ចំនួន​១៤៥​នាក់​ត្រូវ​បាន​គេ​ជួយ​សង្គ្រោះ ហើយ​គេ​នៅ​មិន​ទាន់​ដឹង​ថា​មាន​មនុស្ស​ប៉ុន្មាន​នាក់​បាត់​ខ្លួន។ ខណៈ​ដែល​មន្ត្រី​ជំនាញ​បន្ត​តាម​រក​អ្នក​បាត់​ខ្លួន​ចំ​ពេល​ក្រុម​គ្រួសារ​បាន​ប្រមូល​ផ្តុំ​គ្នា​នៅ​ជិត​កន្លែង​កើត​ហេតុ​ដើម្បី​រង់ចាំ​ដំណឹង​ពី​មនុស្ស​ជា​ទី​ស្រលាញ់។