បាត់ដំបង៖ រថយន្តឡិចស៊ីសមួយគ្រឿង ត្រូវបានភ្លើងឆេះអស់កំណាត់ខាងមុខ ដោយសារតែឆ្លងចរន្តភ្លើង កាលពី​ថ្ងៃទី២៥ខែឧសភា​ឆ្នាំ២០១៨ នៅ​ចំណុច​មុខ​សាលាបឋមសិក្សា​ភ្នំ​សំពៅ ស្ថិតក្នុង​ភូមិ​ភ្នំ​សំពៅ​កើត ឃុំ​ភ្នំ​សំពៅ ស្រុក​បាណន់។

ជនរងគ្រោះមានឈ្មោះ ឌី​ន សៅ ភេទ​ប្រុស អាយុ៣៥ឆ្នាំ រស់​ភូមិ​អូរ​តា​ទាក ឃុំ​អូរ​តា​តោក ស្រុក​សំឡូត មុខរបរ​ធ្វើ​ចំការ បើកបររថយន្តម៉ាកឡិចស៊ីស RX 300 ពណ៌​ស ពាក់​ស្លាក​លេខ បាត់ដំបង 2B 3968 ស៊េរី​ឆ្នាំ២០០២ ការខូចខាត​ឆេះ​អស់​កំណាត់​ខាងមុខ ដោយសារ​ឆ្លង​ចរន្ត​ភ្លើង ខណៈពេល​ម្ចាស់​កំពុង​បើកបរ​មកពី​បាត់ដំបង​ឆ្ពោះទៅ​ផ្ទះ​នៅ​ស្រុក​សំឡូត៕ ដោយ៖ និស្ស័យ