ក្រចេះ៖ ក្រោយពីប្រជាពលរដ្ឋបានធ្វើការហូបនំប័ុង កាលពីថ្ងៃទី២៥ ខែឧសភា ឆ្នាំ២០១៨​ ក្នុងកិច្ចប្រជុំផ្សព្វផ្សាយពិគ្រោះយោបល់របស់មន្ទីរកសិកម្ម រុក្ខប្រមាញ់ និងនេសាទ ខេត្តក្រចេះ ដោយធ្វើការចែកនំប៉័ងដើម្បីហូបជាអាហារសម្រន់ ក៏មានអាការៈពុល ក្អួតចង្កោ ឈឺពោះ អាស់កម្លាំង​ ចំពោះកុមារក៏មានរាកបន្ថែមទៀតផង។

លុះចប់កិច្ចប្រជុំ ពលរដ្ឋទាំងអស់ក៏ត្រលប់មកផ្ទះវិញ ចេះតែមានអាការៈក្អួតចង្កោរតែម្តង ហើយត្រូវបានអាជ្ញាធរបញ្ជូនទៅសង្គ្រោះនៅមន្ទីរពេទ្យភ្លាមៗ ដោយពុំមានអ្នកណាគ្រោះថ្នាក់ដល់បាត់បង់ជីវិតឡើយ។ លោកអភិបាលស្រុកចិត្របុរី បានឲ្យដឹងថា «មូលហេតុដែលពួកគាត់ បានពុលនោះនំបុ័ង គឺនៅរសៀលថ្ងៃទី២៥ ខែឧសភា ឆ្នាំ២០១៨ ខាងមន្ទីរកសិកម្មបានចុះ ទៅណែនាំឲ្យពលរដ្ឋដាំឡូងមី ហើយបានចែកនំបុ័ង ឲ្យដល់ប្រជាពលរដ្ឋហូប ជាអាហារសម្រន់។ បន្ទាប់មកក៏មានអាការៈពុលតែម្ដងទៅ ប៉ុន្តែអ្នកហូបខ្លះទៀតក៏មិនបានពុលដែរ»។ ដោយ៖ និស្ស័យ