ភ្នំពេញ៖ កាល​វេលា​ម៉ោង១០និង៣០នាទី​យប់ ថ្ងៃ​សុក្រ ទី១ ខែមិថុនា ឆ្នាំ២០១៨ តាម​បណ្ដោយ​ផ្លូវ២៧១ ចំណុច​មុខ​ផ្សារ​ហេង​លី ស្ថិតក្នុង​សង្កាត់​ទឹកល្អក់៣ ខណ្ឌទួលគោក រាជធានី​ភ្នំពេញ។

ឃាត់ខ្លួនជនសង្ស័យចំនួនពីរនាក់ ម្នាក់​ឈ្មោះ សែ ឌី ភេទ​ប្រុស អាយុ១៦ឆ្នាំ មុខរប​កម្មករសំណង់ ស្នាក់​ផ្សារ​ស្ទឹងមានជ័យ ខណ្ឌមានជ័យ មាន​ស្រុកកំណើត​នៅ​ខេត្តកំពង់ធំ និង​ជនសង្ស័យ​ទី២ មានឈ្មោះ ជុំ សី​ហៃ ភេទ​ប្រុស អាយុ២៨ឆ្នាំ មុខរប​កម្មករសំណង់ ស្នាក់នៅ​ភូមិ​ឫស្សី ខណ្ឌមានជ័យ មាន​ស្រុកកំណើត​នៅ​ខេត្តកំពង់ធំ។ នៅ​មុនពេល​កើតហេតុ កម្លាំង​នគរបាល​ខណ្ឌទួលគោក បានដាក់​គោលដៅ​រឹតបន្តឹង​ច្បាប់​ចរាចរណ៍​ផ្លូវគោក ស្រាប់តែ​លេចមុខ​ជនសង្ស័យ​មាន​គ្នា៣នាក់ ជិះ​ម៉ូតូ​មួយគ្រឿង មិន​ចាំ​ម៉ាក ពី​ត្បូង​ទៅ​ជើង។ ខណៈ​មកដល់​ចំណុចកើតហេតុ ដោយ​អ្នកបើក​ម៉ូតូ​ដឹងខ្លួន​មុន បាន​បើក​ម៉ូតូ​គេចខ្លួនបាត់។ ចំណែក២នាក់ ដែល​ជិះ​ខាងក្រោយ ត្រូវ​សមត្ថកិច្ច​ឃាត់ខ្លួន​យកមក​ត្រួតពិនិត្យ​លើ​ខ្លួនប្រាណ ស្រាប់តែ​រកឃើញ​ថ្នាំញៀន១កញ្ចប់ ក៏​ធ្វើការ​ឃាត់ខ្លួន​តែម្ដង ប្រភពៈ កូន ខ្លាតូច