ហ្វេសប៊ុក ៖ បើនិយាយពីតារាចម្រៀងស្រីកញ្ញា បាន មុន្នីល័ក្ខ ជឿថាប្រិយមិត្តភាគច្រើនច្បាស់ជាបានស្គាល់ ដោយកញ្ញា គឺជាតារាចម្រៀងស្រីម្នាក់ដែលកំពុងតែមានប្រជាប្រិយនិងមានអ្នកគាំទ្រជាច្រើននៅទូទាំប្រទេសកម្ពុជាផងដែរ ។
យ៉ាងណាមិញថ្មីៗនេះគេឃើញថាកញ្ញា បាន មុន្នីល័ក្ខ បានបន្ថែមមុខរបរមួយទៀតគឺលោកផ្លែធុរ៉េន ហើយអ្វីដែលគួរឲ្យភ្ញាក់ផ្អើលនោះគឺបន្ទាប់ពីឃើញកញ្ញា បាន មុន្នីល័ក្ខ លក់ធុរ៉េន ហើយស្រាប់តែមានអ្នកប្រើប្រាស់ហ្វេសប៊ុកម្នាក់បានខមមិនថាឲ្យកញ្ញាបែបនេះថា ៖ « តារាចម្រៀងធ្លាក់ខ្លួនដល់ថ្នាក់ដើរលក់ធូរ៉េនផង» ។
បន្ទាប់ពីបានឃើញគេនិយាយបែបនេះភ្លាមស្រាប់តែ កញ្ញា បាន មុន្នីល័ក្ខ ឆ្លើយតបដោយចិត្តត្រជាក់បែបនេះទៅវិញថា ៖
«ខមិនទាំងព្រឹកម៉ងបង សុំយោបល់ហ្វេនៗម្នាក់មួយម៉ាត់មក ធ្លាក់ខ្លួនរឺមិនធ្លាក់ខ្លួន គឺខ្ញុំទេបង ដែលដឹងច្បាស់បងប្រុសមុខរបរសុចរិត មិនមែនទៅឆក់ប្លន់គេទេបង បងកុំទៅថាអោយអ្នកផ្សេងចឹងណាបង សំរាប់ខ្ញុំ គឺមិនអីទេបង ខ្ញុំមិនខឹងទេ អគុណសំរាប់ពាក្យនេះ ដែលធ្វេីអោយខ្ញុំរឹតតែចង់រកសុីបន្ថែមទៀត » ៕
