កម្សាន្ត ៖ វត្តមានរបស់តារាចម្រៀងជួរមុខ ពេជ្រ សោភា នៅក្នុងកម្មវិធីប្រកួតជ្រើសរើស បរវកញ្ញាចក្រវាល កម្ពុជា ២០២១បានធ្វើឲ្យមានការកក្រើកខ្លាំងនៅលើបណ្តាញសង្គមនៅកាលពីយប់មិញនេះ ហើយកម្មវិធីនេះក៏បានស្វែងរកម្ចាស់ជ័យលាភីឃើញហើយគឺបានទៅលើ បរវកញ្ញាចក្រវាល កម្ពុជា ២០២១ ដែលកញ្ញា រិន ម៉ារ៉ាឌី ។
យ៉ាងណាមិញ បើយើងងាកមកចាប់អារម្មណ៍ទៅលើគណកម្មការ អ្នកនាង ពេជ្រ សោភា វិញ យប់មិញការបង្ហាញវត្តមានរបស់នាង បានធ្វើឲ្យអ្នកណាៗក៏លាន់មាត់ដែរ តើដោយសារអ្វី ? គឺដោយសារតែតារាចម្រៀង ពេជ្រ សោភា បានរៀបចំខ្លួនបានយ៉ាងល្អខ្លាំង តារាស្រីរូបនេះបានជ្រើសរើសយកឈុត ក្រមាខ្មែរ បូករួមជាមួយនិងការផាត់មុខធ្វើសក់បន្ថែមទៀតនោះ បានធ្វើឲ្យសម្រស់ របស់ គណកម្មការស្រីរូបនេះ កាន់តែមានភាពស្រស់ស្អាតមិនចាញ់ បរវកញ្ញានៅក្នុងកម្មវិធីប៉ុន្មាននោះទេ ។
ជាមួយគ្នានេះដែរបន្ទាប់ពីបានឃើញការបង្ហាញខ្លួនរបស់ ពេជ្រ សោភា នៅក្នុងកម្មវិធីនេះរួច មហាជនបានផ្ទុះការកោតសរសើរនិងមានការពេញចិត្តយ៉ាងខ្លាំងចំពោះការតែងខ្លួនរបស់តារាស្រីរូបនេះ មិនត្រឹមតែប៉ុណ្ណោះទេហ្វេនៗក៏សរសើរបីសម្រស់និងសាច់សខ្ជីម៉ត់រលោង របស់ ពេជ្រ សោភា ផងដែរ ៕ ចង់ជ្រាបកាន់តែច្បាស់សូមទស្សនារូបភាពនៅខាងក្រោមនេះទាំងអស់គ្នា ៖
