ដូចដែលបានរាយការណ៍ដោយប្រទេសអារ៉ាប់សមាជិកគ្រួសារស៊ូដង់ចំនួន ៨ នាក់ត្រូវបានគេរកឃើញថាបានស្លាប់ក្នុងរយៈពេល ៦ ខែបន្ទាប់ពីបានធ្វើដំណើរឆ្លងកាត់វាលខ្សាច់លីប៊ី។ ការរកឃើញដ៏គួរឱ្យរន្ធត់នេះត្រូវបានធ្វើឡើងដោយក្រុមមន្រ្តីប៉ូលីសដែលកំពុងល្បាតនៅតំបន់នោះដែលបានប្រទះឃើញសាកសពរបស់ពួកគេនៅលើខ្សាច់នៅចម្ងាយប្រហែល ៤០០ គីឡូម៉ែត្រពីទីប្រជុំជនគូហ្វ្រាប្រទេសលីប៊ី។

នៅក្នុងសេចក្តីជូនដំណឹងពីឧប្បត្តិហេតុនៅថ្ងៃទី ១០ ខែកុម្ភះឆ្នាំ ២០២១ បានបង្ហាញថា ក្រុមគ្រួសារមួយនោះបានបើកបរមកជាមួយនឹងរថយន្តតូយ៉ូតា suv សេហ្គីយ៉ា (toyota SUV sequoia) មួយគ្រឿង ដែលបានជាប់ផុងនៅកន្លែងកើតហេតុនោះដោយមានសាកសពស្រី ៣ នាក់និងប្រុស ៥ នាក់រាយប៉ាយនៅវាលខ្សាច់ រួមជាមួយរបស់របររបស់ពួកគេ ក្រុមមន្ដ្រីទាំងនោះបញ្ជាក់អំពីមូលហេតុដែលធ្វើឱ្យពួកគេបាត់បង់ជីវិត គឺបណ្ដាលមកពីការគ្មាននូវអាហារបរិភោគ សម្រាប់ការជាប់គាំងរយះពេលយូរនៅលើវាលខ្សាច់។

គេជឿថាយានយន្ដនេះមានប្រភពចេញពីទីក្រុង El-Fasher ប្រទេសស៊ូដង់ដោយព្យាយាមបើកទៅ Kufra មុនពេលដែលបានបាត់ខ្លួន។ ការរកឃើញផ្សេងទៀតក៏មានផងដែរនូវសំណេរសរសេរដោយដៃដែលសរសេរថា“ ចំពោះអ្នកណាដែលរកឃើញលិខិតនេះគឺជាលេខរបស់បងប្រុសខ្ញុំគឺលោក Muhammad Saifuddin” ។ ក្នុងនោះដែរក៏មាននូវការសរសេរថា ​“ ម៉ាក់កូនសុំទោសដែលមិនអាចទាក់ទងអ្នកបាន។ ប៉ានិងណាស៊ីស ខ្ញុំស្រឡាញ់អ្នក។ សូមអ្នកទាំងអស់គ្នាអធិស្ឋាន និងផ្ដល់ភ្ជាប់នូវគម្ពីរគូរ៉ា សម្រាប់ជាក្ដីសន្ដោសប្រណីនិងក្ដីមេត្ដាដល់ពួកយើងសម្រាប់ការជាផ្លូវដែលកំពុងតែនាំពួកយើងទៅរកសេចក្ដីស្លាប់នៅទីវាលខ្សាច់មួយនេះ។ 

របាយការណ៍ជាច្រើនបានលើកឡើងថាសោកនាដកម្មនេះមិនមែនជាលើកទី ១ ទេដែលជនភៀសខ្លួនព្យាយាមធ្វើដំណើរចេញពីទឹកដីដែលមានជម្លោះនៅក្នុងតំបន់នោះខណៈដែលមនុស្សរាប់រយនាក់បានបាត់បង់នៅក្នុងការធ្វើដំណើរឆ្លងកាត់វាលខ្សាច់មួយនេះ។

សម្រួលអត្ថបទដោយ៖ SP

ប្រភព៖ omanobserve