ក្រុមអ្នកស្រាវជ្រាវក្នុងស្រុកបានព្យាយាមបន្ធូរបន្ថយការភ័យខ្លាចជាសាធារណៈដោយនិយាយថាមេរោគដែលត្រូវបានរកឃើញនៅក្នុងសត្វប្រចៀវ (horseshoe bat) នៅខេត្ដឆាងឆេងសៅ កាលពីឆ្នាំមុនដែលមិនអាចចម្លងទៅមនុស្សបានទេបន្ទាប់ពីមានរបាយការណ៍ជាច្រើនបានលើកឡើងថារោគរាតត្បាត Covid-19 ប្រហែលជាមានដើមកំណើតនៅក្នុងប្រទេសថៃ។

លោកស្រី Supaporn Wacharapluesadee អ្នកស្រាវជ្រាវនៅកាកបាទក្រហម និងជាភ្នាក់ងារបង្ការការរីករាលដាលជំងឺឆ្លង - មជ្ឈមណ្ឌលវិទ្យាសាស្ត្រសុខាភិបាល បាននិយាយថា ប្រភេទវីរុសនេះស្ថិតនៅក្នុងក្រុមខ្សែស្រឡាយតែមួយនៃវីរុសកូរ៉ូណាប៉ុន្តែមិនបង្កឱ្យមានការឆ្លងនូវវីរុស Covid-19 ទេ។ បច្ចុប្បន្ននេះមិនមានភ័ស្តុតាងបង្ហាញថាវីរុសដែលយើងរកឃើញនៅក្នុងសត្វប្រចៀវ ខេត្ដ ឆាងឆេងសៅ អាចឆ្លងទៅមនុស្សបាននោះទេ” ។

ទោះយ៉ាងណាយើងចាំបាច់ត្រូវតាមដានការអភិវឌ្ឍរបស់វាដោយប្រុងប្រយ័ត្នពីព្រោះជំងឺឆ្លងថ្មីៗជាច្រើនបានចាប់ផ្តើមនៅក្នុងប្រភេទសត្វប្រចៀវ។

អ្នកឯកទេសខាងផ្នែកជំងឺឆ្លង នៃភ្នាក់ងារចម្លងពីសត្វប្រចៀវ បានធ្វើសេចក្តីថ្លែងការណ៍នេះភ្លាមៗបន្ទាប់ពីមានរបាយការណ៍ចេញផ្សាយដោយទីភ្នាក់ងារសារព័ត៌មានរុស្ស៊ីបាននិយាយថាក្រុមអ្នកស្រាវជ្រាវបានរកឃើញវីរុសវីរុសថ្មីនៅក្នុងអាណានិគមសត្វប្រចៀវថៃដែលស្រដៀងនឹង Sars-CoV  2 ដែលបណ្តាលឱ្យមានការឆ្លងនូវវីរុស Covid-19 ។

របាយការណ៍បាននិយាយថាក្រុមស្រាវជ្រាវបានអនុវត្តលំដាប់ហ្សែនលើវីរុសនៃសត្វប្រចៀវនេះ ហើយបានរកឃើញថាវីរុសនេះមានចំណែក ៩១.៥ ភាគរយនៃលេខកូដហ្សែនរបស់វាជាមួយគឺស្រដៀងនឹង Sars-CoV-2 ។

លោកស្រីបានពន្យល់ថាក្រុមការងាររួមជាមួយអ្នកស្រាវជ្រាវមកពីនាយកដ្ឋានឧទ្យានជាតិសត្វព្រៃនិងការអភិរក្សរុក្ខជាតិ (DNP) និងមហាវិទ្យាល័យព្រៃឈើនៃសាកលវិទ្យាល័យកាសេតសាតគ្រោងនឹងសិក្សាអំពីវីរុសដែលមានវត្តមាននៅក្នុងសត្វប្រចៀវចំនួន ២៣ ប្រភេទ ក្នុងរយះពេល៥ឆ្នាំដែលអាចរកឃើញនៅក្នុងប្រទេសថៃ។

សម្រួលអត្ថបទដោយ៖ SP

ប្រភព៖ Bangkol Post