ឥណ្ឌា៖ ក្រុមបូជាចារ្យហិណ្ឌូនៅឯប្រាសាទមួយរបស់ប្រទេសឥណ្ឌាកំពុងធ្វើការបួងសួងរាល់ថ្ងៃចំពោះព្រះធាតុបង្កជំងឺវីរុសកូវីដពីររូប ក្នុងការសុំអង្វរព្រះកុំឲ្យដាក់ទណ្ឌកម្មនិងផ្ដល់ជំងឺមកឲ្យពួកគេតទៅទៀត ខណៈពេលដែលប្រទេសនេះកំពុងតែប្រយុទ្ធនឹងការឆ្លងថ្មីមួយជាមួយនឹងការទប់ទល់នឹងជំងឺរាតត្បាតមួយនេះ។

រូបចម្លាក់ព្រះធាតុបង្កជំងឺវីរុសកូវីដ“ Corona Devi” ចំនួនពីរត្រូវបានបង្កើតឡើងនៅភាគខាងត្បូងនៃទីក្រុង Coimbatore ក្នុងរដ្ឋ Tamil Nadu ក្នុងគោលបំណងធ្វើការបន់ស្រន់សុំក្ដីមេត្ដាករុណាពីព្រះដែលជាអ្នកបង្ករោគឆ្លង ដោយសុំឲ្យព្រះបញ្ចប់ការខឹងជាមួយនឹងពួកគេតទៅទៀត ខណះពេលដែលជំងឺកូវីដ១៩ បានវាយប្រហារយ៉ាងធ្ងន់ធ្ងរនៅនឹងបានសម្លាប់មនុស្ស ១០០.០០០ នាក់នៅទូទាំងប្រទេសក្នុងរយៈពេលបួនសប្តាហ៍ចុងក្រោយនេះ។

ប្រាសាទ Kamatchipuri Adhinam ត្រូវបានបិទមិនឲ្យមានអ្នកមកធ្វើគោរពបូជាតទៀតនោះឡើយដោយសារតែអត្រាឆ្លងខ្ពស់នៅក្នុងទីក្រុង Coimbatore ប៉ុន្តែបូជាចារ្យនៅក្នុងប្រាសាទវិហារនោះនៅតែធ្វើការគោរពប្រតិបត្ដិនូវវត្ថុជាទីសក្ការៈនៅចំពោះមុខនាគរាជដែលធ្វើពីឈើមួយនិងមួយទៀតធ្វើពីថ្ម។ពួកគេបានរៀបចំអាហារនិងតង្វាយផ្សេងៗទៀតហើយធ្វើការបន់ស្រន់ដោយជម្រុញឲ្យព្រះបញ្ឈប់ការខឹងនិងបញ្ចប់ជំងឺរាតត្បាតរាតត្បាតមកលើពួកគេ ដោយបូជាចារ្យទាំងនោះបានស្រង់ទឹករូបព្រះជាមួយទឹករមៀតនិងទឹកដោះគោ។

អ្នកគ្រប់គ្រងប្រាសាទ Kamatchipuri Adhinam បានបន្ថែមថា“ យើងកំពុងគោរពបូជាព្រះធាតុបង្កវីរុសក្នុងទម្រង់ជាទេពធីតាហើយអធិស្ឋានដល់នាងរាល់ថ្ងៃដើម្បីកាត់បន្ថយផលប៉ះពាល់នៃជំងឺនេះ” ។

ប្រទេសឥណ្ឌាកាលពីថ្ងៃព្រហស្បតិ៍បានផ្សព្វផ្សាយករណីឆ្លងវីរុសថ្មីចំនួន ២១១,២៩៨ ករណីក្នុងរយៈពេល ២៤ ម៉ោងចុងក្រោយខណៈការស្លាប់ដោយសារជម្ងឺកូវីដ១៩ កើនឡើងដល់ ៣.៨៤៧ នាក់។

ចំនួនសរុបនៅក្នុងការឆ្លងសរុបនៅឥណ្ឌាមានចំនួន ២៧,៣៧ លាននាក់ខណៈអ្នកស្លាប់សរុបមានចំនួន ៣១៥.២៣៥ នាក់នេះបើយោងតាមទិន្នន័យរបស់ក្រសួងសុខាភិបាល។

សម្រួលអត្ថបទដោយ៖SOPHEA

ប្រភព៖ aljazeera