ដូចដែលប្រិយមិត្តបានដឹងហើយថាមួយរយៈចុងក្រោយមកនេះជីវិតរបស់តារាសម្តែង សឿ សុធារ៉ា បានជួបបញ្ហាផ្ទួនៗ ទើបមើលទៅតារាសម្តែងស្រីរូបនេះហាក់បីមានវិបត្តិផ្លូវចិត្តធ្ងន់ធ្ងរគួរឲ្យព្រួយបាម្ភខ្លាំងណាស់ ។
យ៉ាងណាមិញនៅក្នុងឆ្នាំនេះគេបានសង្គេតឃើញថា តារាសម្តែងស្រីដែលធ្លាប់មានភាពល្បីល្បាញ សឿ សុធារ៉ា បានជួបនិងបញ្ហាធំៗចំនួន២ ដែលធ្វើឲ្យនាងមានការប៉ះទង្គិចផ្លូវចិត្តខ្លាំង បញ្ហាធំទី១ គឺនាងជាមួយនិងស្វាមីរបស់នាង លោក សាពូន មីដាដា បានលែងលះគ្នា បញ្ហាធំទី២ នាងត្រូវម្តាយជាទីស្រឡាញ់ទទួលមរណភាពចោលនាងកាលពីពេលថ្មីៗនេះ ។
ដោយឡែកក្រោយពេលម្តាយរបស់នាងបានលាចាកលោក គេបានឃើញថាតារាស្រីរូបនេះហាក់បីមានបញ្ហាផ្លូវចិត្តយ៉ាងខ្លាំង នៅក្នុងពេលបូជាសពរបស់ម្តាយ គេឃើញថា សឿ សុធារ៉ា មានសភាពរវើរវាយ និយាយស្តីលែងដូចពីមុន ក្រោយមហាជនបានឃើញហើយពិតជាមានក្តីសង្វេគខ្លាំងណាស់៕
