ប្រពៃណាស់! កីឡាករ Cristiano Ronaldo បាន​បរិច្ចាគ​ប្រាក់ ៤៤ លានយូរ៉ូ នឹងយន្តហោះ៣ គ្រឿងដែលផ្ទុកទឹកបានរហូតដល់...
សីហា
- 4975

កីឡា៖កាលពីថ្មីៗនេះ កីឡាករបាល់ទាត់ជនជាតិព័រទុយហ្គាល់ Cristiano Ronaldo ដែលបច្ចុប្បន្នកំពុងតែស្ថិតនៅក្រុម Juventus បាន​បរិច្ចាគ​ប្រាក់ ៤៤ លានយូរ៉ូ នឹងយន្តហោះ ៣ គ្រឿងដែលផ្ទុកទឹកបាន ប្រមាណ ៨០០០០ លីត្រ ទៅដល់មូលនិធិភ្លេីងឆេះព្រៃនៅ Amazon ។

គួរបញ្ជាក់ផងដែរថា បើតាមវិទ្យាស្ថានជាតិសម្រាប់ការសិក្សាស្រាវជ្រាវទីអវកាស (INPE) មានភ្លើងឆេះព្រៃរហូតដល់ទៅ ៧២,៨៤៣ កន្លែង បានកើតឡើងក្នុងប្រទេសប្រេស៊ីលក្នុងឆ្នាំ២០១៩ នេះហើយក្នុងចំណោមនោះ ច្រើនជាងពាក់កណ្ដាល គឺកើតឡើងនៅក្នុងតំបន់ព្រៃអាម៉ាហ្សូន។ អាត្រានេះបានកើនឡើងជាង ៨៣ភាគរយឯណោះ បើធៀបទៅនឹងរយៈពេលដូចគ្នាកាលពីឆ្នាំ២០១៨។

ដោយឡែក ក្រុមអង្គការសង្គមស៊ីវិលផ្នែកការពារបរិស្ថាននៅក្នុងប្រទេសប្រេស៊ីល បានទម្លាក់ការទទួលខុសត្រូវនៃបញ្ហាភ្លើងឆេះព្រៃ ទៅលើប្រធានាធិបតីប្រេស៊ីល លោក Jair Bolsonaro ដោយចោទថា លោកមានភាពធូររលង់ក្នុងការគ្រប់គ្រងព្រៃឈើ ហើយទាំងលើកទឹកចិត្តឱ្យមានការកាប់បំផ្លាញព្រៃទៀតផង តាមរយៈគំរោងបើកដៃធ្វើអាជីកម្មក្នុងតំបន់ព្រៃអាម៉ាហ្សូន។

បើ​គិត​មក​ទល់​ពេល​នេះ ស្ថិតិ​បង្ហាញ​ថា​ភ្លើង​បាន​ឆេះ​ព្រៃ​អស់​ប្រមាណ​ជា​ជាង ២ ២០០​គីឡូម៉ែត្រ​ការ៉េ​ហើយ​ក្រោយ​បន្ដ​ឆាប​ឆេះ​អស់​រយៈ​ពេល ​៣​សប្ដាហ៍ ខណៈ​ពេល​ដែល​មាន​ការ​រិះ​គន់​ជា​ច្រើន​ចំពោះ​ការ​ដឹក​នាំ​របស់​រដ្ឋាភិបាល​ប្រេស៊ីល​បច្ចុប្បន្ន៕


Loading...