ការរៀបចំពិធីមង្គលការ ពិធីជប់លៀង ការជួបជុំតាមបែបសាសនានានា ត្រូវផ្អាកជាបណ្ដោះអាសន្នដោយសារស្ថានភាពនៃការឆ្លងរីករាលដាលជំងឺកូវីដ១៩ក្នុងព្រឹត្តការណ៍២០កុម្ភៈនៅតែបន្តកើនឡើងជាលំដាប់ពីមួយថ្ងៃទៅមួយថ្ងៃ។ ជាងនេះទៅទៀតក្រសួងសុខាភិបាល បានសង្កេតឃើញថា នៅមានប្រជាពលរដ្ឋមួយចំនួនតូចនៅបន្តរៀបចំពិធីមង្គលការ ពិធីជប់លៀង ការជួបជុំតាមបែបសាសនានានាដែលមានការប្រមូលផ្ដុំមនុស្សជាច្រើន គួបផ្សំនឹងប្រជាពលរដ្ឋមួយចំនួននៅតែមានការធ្វេសប្រហែស មិនអនុវត្តឲ្យបានខ្ជាប់ខ្ជួននូវវិធានការអនាម័យ និងវិធានការទប់ស្កាត់ការរាលដាលជំងឺកូវីដ-១៩ តាមវិធានការ ៣កុំនិង៣ការពារ។

យ៉ាងណាមិញ យោងតាមគណនីហ្វេសប៊ុកមួយឈ្មោះថា Heang Seng បានបង្ហោះសារអំពីពិធីមង្គលការបែបលក្ខណៈតួចតាចដែលគ្រាន់តែធ្វើឲ្យចាស់ទុំដឹងឮ ហើយគោរពទៅតាមប្រពៃណីជាតិ និងមិនមានការរៀបចំកម្មពិធីធំដុំនោះទេ នេះឆ្លុំបញ្ចាំងថា ពួកគាត់បានគោរពតាមការណែនាំរបស់ក្រសួងសុខាភិបាលដែលបានចេញសេចក្តីប្រកាស មិនឲ្យរៀបចំកម្មពិធីដែលមានមនុស្សច្រើន។

ក្នុងសំណររបស់គាត់បានសរសេរថា នៅថ្ងៃទី១៣ ខែមីនា ឆ្នាំ២០២១ ពិធីមង្គលការកូនស្រីពៅនៅសម័យកូរូណាបានបញ្ចប់សព្វគ្រប់ហេិយសូមអរគុណដល់បងប្អូនទាំងអស់ដែលបានមកចូលរួមកម្មវិធីដល់ចប់។ ហើយក្នុងនោះគាត់បន្តថា កូវិដការកូនប្រុសស្រីបងប្អូន​មិត្តភ័ក្ដិ​ជួបគ្នាវីធីធំថ្ងៃអស់កូវិតជួនពរកូនម៉ាក់ជួបតែក្តីសុខសុខភាពល្អជោគជ័យគ្រាប់ការងាស្រលាញ់គ្នាជារៀងរហូតអគុណអ្នកម្តាយបងប្អូនអ្នកដន្លងខំមកចូលរួមជួនពរជួបតែក្តីសុខសុខភាពទាំងអស់គ្នាផងណា៕